احصلي على بشرة نضرة في اسبوع: افضل الاطعمة لنضارة البشرة والاطعمة اللي تتجنبيها
مع تقدمك في السن هتعرفي اكتر اهمية اتباع اسلوب حياة جيد وروتين مناسب ، كل اللي هتعمليه النهاردة هيأثر بشكل مباشر على صحة بشرتك ، التلوث, الاجهاد, الاكل غير المناسب هيخلي البشرة باهتة وغير نضرة ، والنهاردة من خلال موضوعنا هنتعرف على كل انواع الاطعمة الغنية بالمغذيات اللي هتساعدك على نضارة وصحة بشرتك ، بالاضافة للاطعمة اللي المفروض تتجنبيها للحفاظ على البشرة.
افضل الاطعمة لنضارة البشرة:
1- الماية:
اول حاجة وقبل كل شيء قبل ما تروحي للخضروات والاكل ، هو الماية ، شرب كمية كافية من الماية طول اليوم بيساعد على طرد السموم من بشرتك, تقليل التجاعيد والخطوط الرفيعة ، الماية بتساعد على توفير الترطيب للبشرة والحفاظ على نضارتها.
2- البرتقان:
البرتقان مصدر كبير للعناصر الغذائية ، غني بفيتامين سي وخصائص مضادة للاكسدة ، كمان بيساعد على زيادة كولاجين الجلد ، وتعزيز شباب الجلد وتأخير الشيخوخة المبكرة.
3- الفراولة:
الفراولة ليها فوايد كتير للبشرة ، لانها غنية بمضادات الاكسدة وفيتامين سي ، وده بدوره بيساعد على زيادة انتاج الكولاجين في الجلد والحفاظ على تماسكه ومرونته ، كمان الفراولة بتحتوي على نسبة عالية من الماية ، وده بيساعد على توفير الترطيب للبشرة ومنع الجفاف.
4- بذور عباد الشمس:
بذور عباد الشمس غنية بالمواد المغذية زي احماض اوميجا 6, وفيتامين E, والزنك وكل العناصر المغذية دي بتساعد على تقليل الالتهاب وحماية البشرة من الاشعة فوق البنفسجية والمساعدة في ترطيب البشرة.
5- الخضروات الورقية الخضرا:
الخضروات الورقية الخضرا مليانة بالفيتامينات والمواد المغذية الاساسية اللي بتحافظ على صحة بشرتك ، زي الخس, الكزبرة, القرنبيط, اوراق الفجل, السبانخ.
6- المحار:
المحار هي مجموعة الاطعمة البحرية الصدفية, زي بلح البحر ، والحاجات ي مفيدة لبشرتك والحفاظ عليها صحية لانها بتوفر العناصر الغذائية زي الزنك والمعادن.
7- البروكلي:
البروكلي يعتبر من اكتر الاطعمة الصحية للبشرة ، هي مصدر جيد للالياف وفيتامين سي ومضادات الاكسدة ، واكل البروكلي بيساعد على زيادة كولاجين البشرة ومرونتها.
8- البطيخ:
بيحتوي على 90% من الماية ، وده بيساعد على ترطيب البشرة ، وده بدوره بيقلل الخطوط الرفيعة والتجاعيد ، بالاضافة انه مصدر غني بفيتامين سي ومضادات الاكسدة ، والاتنين بيساعدوا على تغذية خلايا الجلد.
9- الكرز:
اكل الكرز يوميا مش بس مفيد لبشرتك لكن كمان هيساعد على تحسين صحتك العامة ، الكرز بيساعد على تقليل الاجهاد التأكسدي ، الحفاظ على ضغط الدم تحت السيطرة ، كمان بيدعم صحة القلب ، غني بمضادات الاكسدة وبيحمي البشرة من الاشعة فوق البنفسجية الضارة وبيساعد في الحفاظ على صحة الجلد.
10- الطماطم:
الطماطم تعتبر مصدر جيد لليكوبين ، المليان بخصائص مضادة للاكسدة ومضادة للالتهابات ، الطماطم بتساعد على حماية البشرة من اشعة الشمس وتحسين مظهرها.
11- بذور الشيا:
بذور الشيا مصدر غني لاحماض اوميجا 3 الدهنية ، وبتساعد على بناء خلايا جلدية جديدة ، وبتساعد كمان على انتاج الكولاجين ، تقدري تدمجي بذور الشيا مع العصاير او مع وجبة الفطار.
12- الزنجبيل:
الزنجبيل مفيد للبشرة ، بيهدي البشرة وبيساعد على نضارتها.
13- البطاطا الحلوة:
البطاطا الحلوة غنية بفيتامين أ ، وهي مفيدة للبشرة الدهنية ، بتساعد على التحكم في انتاج الزيوت في الجلد وبتعالج حب الشباب.
14- الافوكادو:
الافوكادو غني بفيتامين E والزيوت الصحية وبالتالي تعتبر طعام قوي للبشرة الجافة ، بتساعد على توفير الماية والترطيب للبشرة.
15- بياض البيض:
لو بتعاني من التجاعيد والخطوط الرفيعة ، بياض البيض هو الغذاء المثالي ليكي ، لانه غني بالاحماض الامينية وبيساعد على تعزيز الكولاجين ، اضافة بياض البيض لنظامك الغذائي بيساعد على زيادة الحماية الطبيعية للجسم وتقليل الخطوط الرفيعة.
الاطعمة اللي المفروض تتجنبيها للحفاظ على صحة البشرة:
زي ما في اطعمة وخضروات بتساعد على نضارة البشرة ، في بعض الاطعمة اللي المفروض تتجنبيها لتحسين البشرة.
- الاطعمة المعالجة: الاطعمة المصنعة والسكر المكرر والدهون غير الصحية ليها تأثير سلبي على الجلد.
- الاطعمة المقلية: الاطعمة المقلية بتنتج الجذور الحرة وبتسبب التهاب الجلد.
- منتجات الالبان: في كتير من الاشخاص عندهم حساسية لمنتجات الالبان ، اكل منتجات الالبان ممكن يسبب حب الشباب.
- الاطعمة السكرية: الوجبات الخفيفة والمشروبات السكرية بتأدي لزيادة الانسولين ، وده ممكن يسبب امراض جلدية زي حب الشباب.
- اللحوم الدهنية والمصنعة: اللحوم بتسبب زيادة الالتهاب في الجلد ، وده بيأثر على صحة الجلد.
- الافراط في الملح: الافراط في استهلاك الملح هيسبب جفاف وبهتان البشرة.
- الكافيين: الافراط في شرب الكافيين ممكن يسبب الجفاف ، وده هيأدي لتشقق الجلد وبهتانه.
