وصفة الطماطم لازالة شعر الوجه
الطماطم ليها فوايد كتير للبشرة ، وواحدة من فوايد الطماطم انك ممكن تستخدميها لازالة شعر الوجه الزائد ، الحموضة الموجودة في الطماطم بتساعد على اذابة الشعر ، والانزيمات الموجودة في الطماطم بتساعد على تكسير بصيلات الشعر ، تابعي معانا السطور الجايه واتعرفي على وصفة الطماطم لازالة شعر الوجه.
وصفة الطماطم لازالة شعر الوجه:
المكونات:
- 1 حبة طماطم.
- 1 معلقة كبيرة عسل.
- 1 معلقة كبيرة دقيق حمص.
- 1 معلقة كبيرة عصير ليمون.
طريقة التحضير:
1- قطعي الطماطم قطع صغيرة ، واهرسيها لحد ما تحصلي على عجينة ناعمة.
2- اخلطي الطماطم, العسل, دقيق الحمص, وعصير الليمون مع بعض.
3- وزعي الخليط على بشرتك ، مع التركيز على الاماكن اللي فيها شعر زيادة.
4- افركي الخليط بلطف في حركات دائرية.
5- بعدها اشطفي بشرتك بماية دافية.
الماسك فعال في ازالة الشعر غير المرغوب فيه ، بالاضافة لفوايد تانية بسبب مكوناته ، العسل بيرطب البشرة ، دقيق الحمص بيقشر البشرة ، عصير الليمون بيشقر الشعر وبيفتحه ، والطماطم بتحتوي على الليكوبين وهو واحد من مضادات الاكسدة اللي بتساعد على تفتيح البشرة والحفاظ على شبابها ، كرري الماسك ده مرة واحدة في الاسبوع ، هتلاحظي مع الاستمرار ان نمو الشعر بيقل بشكل ملحوظ.
تابعي معانا 4 طرق طبيعية كمان لازالة شعر الوجه ، بالاضافة ان ليها فوايد تانية للبشرة.
وصفة السكر والليمون:
السكر يعتبر مقشر طبيعي ، وعصير الليمون بيساعد على تفتيح الشعر.
المكونات:
- 1 معلقة كبيرة سكر.
- 1 معلقة كبيرة عصير ليمون.
- 1 معلقة كبيرة عسل.
طريقة التحضير:
1- في بولة صغيرة اخلطي السكر, عصير الليمون, العسل.
2- وزعي الخليط على بشرتك وركزي على الاماكن اللي فيها شعر زيادة.
3- دلكي الخليط على بشرتك بلطف بحركات دائرية لمدة دقايق.
4- سيبيه على بشرتك لمدة 10 – 15 دقيقة كمان.
5- وبعدها اغسلي بشرتك بماية دافية.
وصفة الكركم ودقيق الحمص:
الكركم معروف انه بيحتوي على خصائص مطهرة ، ودقيق الحمص بيقشر الجلد.
المكونات:
- 2 معلقة كبيرة دقيق حمص.
- 1 معلقة صغيرة كركم.
- 1 معلقة كبيرة زبادي او لبن.
طريقة التحضير:
1- اخلطي دقيق الحمص, الكركم, والزبادي او اللبن لتكوين عجينة سميكة.
2- وزعي الخليط على بشرتك ، مع التركيز على الاماكن اللي فيها شعر زيادة.
3- سيبي الخليط على بشرتك لمدة 15 – 20 دقيقة.
4- افركي المعجون بلطف بحركات دائرية.
5- بعدها اغسلي بشرتك بماية دافية.
وصفة بياض البيض ونشا الذرة:
بياض البيض بيساعد على شد الجلد ، ونشا الذرة بتساعد على امتصاص اي زيوت زيادة على البشرة.
المكونات:
- 1 بياض بيضة.
- 1 معلقة كبيرة من نشا الذرة.
طريقة التحضير:
1- اخلطي بياض البيض مع النشا لتكوين عجينة.
2- وزعي الخليط على بشرتك ، مع التركيز على الاماكن اللي فيها شعر زيادة.
3- سيبي الخليط لحد ما ينشف على بشرتك لمدة 20 – 30 دقيقة.
4- افركي الخليط من على بشرتك بلطف.
5- بعدها اغسلي البشرة بماية دافية.
وصفة البابايا والكركم:
البابايا بتحتوي على انزيم يسمى الغراء بيساعد على تكسير الشعر ، والكركم ليه خصائص مطهرة.
المكونات:
- ¼ كوباية بابايا مهروسة.
- ¼ معلقة صغيرة كركم.
طريقة التحضير:
1- اخلطي البابايا مع الكركم لتكوين عجينة.
2- وزعي الخليط على بشرتك ، وركزي على المناطق اللي فيها شعر زيادة.
3- سيبي الخليط على البشرة لمدة 15 – 20 دقيقة.
4- افركي الخليط بلطف في حركات دائرية.
5- بعدها اغسلي بشرتك بماية دافية.