8 علامات تقولك انه مش هيتوقف عن حبك ابدا
البنت لما بتدخل علاقة عاطفية وبتتعرض فيها للاستغلال والاساءة ، ده ممكن يسيب عندها جروح دايمة من الصعب انها تروح ، والطبيعي ان اللي اتعرضت لده هتكون مترددة انها تدخل اي علاقة تانية ، خوف منها انها ممكن تتعرض للاذى او خيبة الامل مرة تانية ، ولكن في النهاية الحب دايما فيه مخاطرة ، ولكن مهما اتصدمتي من اي علاقة ده مش معناه ان مافيش اشخاص كويسين ، في رجالة كتير كويسيين ومستعدين للعلاقات ، ولكن بس خليكي صبورة لحد ما تلاقي الشخص المناسب ، وبمجرد ما يجي عليكي انك تحافظي عليه بكل جهدك عشان تخليه في حياتك ، ولكن في المقام الاول لازم تعرفي اذا كان هو الشخص الصح ولا لا قبل ما تبذلي اي مجهود ، وده اللي هنساعدك فيه النهاردة من خلال المقال بتاعنا ، هنشارك معاكم 8 علامات تقولك انك تقدري تثقي في الشخص ده وتقدري تبني علاقة مستقلية معاه ، وانه راجل ملتزم تجاهك وبالعلاقة.
علامات تثبت حبه ليكي:
1- هيلتزم بيكي وبعلاقتك:
هيبذل جهد فعلي للالتزام تجاهك ، وهتلاقيه دايما بيشاركك كل تفاصيل حياته بالكامل ، ومش بيفكر في اي احتمالات تانية في العلاقة غير انكوا تبقوا مع بعض.
2- مش بيتجاهل المشاكل في علاقتكم:
لو حصل اي خلاف بينكم مش بيتجاهل المشكلة ويهرب ويتحجج ، ولكن بيكون على استعداد تام انه يواجه المشاكل وجها لوجه لانه عارف كويس اوي انه مواجهة المشاكل والوصول لحل هو ده اللي بيطول عمر العلاقة ويخليها تدوم للابد.
3- بيهتم اهتمام كبير بالتفاصيل:
بيقدر حتى الحاجات والتفاصيل الصغيرة في العلاقة ومش بيتجاهل الجوانب البسيطة من حياتكم مع بعض ، وبيشوف القيمة في كل جهد بيعمله في العلاقة.
4- بيبذل جهد لتعزيز ثقتك بنفسك:
هيبقى دايما بيعزز ثقتك في نفسك لانه عارف قيمتك كويس ، وهيكون مهم بالنسبة له انك تكوني شايفة نفسك زي ما هو شايفك.
5- بيتعامل مع مشاكلك كأنها مشاكله الخاصة:
هيبذل اقصى جهد عنده عشان يخلي حياتك اسهل واكتر راحة ، وهيساعدك وهو مبسوط على حل كل المشاكل اللي ممكن تكوني بتواجهيها ، لان نجاحك سعاده ليه.
6- هيخليكي دايما بتضحكي:
بيعرف يخلي كل الامور بينكم خفيفة وممتعة ، وهيحب يقضي وقت ممتع معاكي ، ومش بياخد الحياة بشكل معقد.
7- بيعتذر دايما عن اخطائه:
بيعترف انه مش دايما مثالي وبيعمل غلطات عادي ، ولما بيغلط بيعتذر بصدق وبيبين انه ندمان ، وبيتعلم من اخطائه عشان ما يكررهاش تاني.
8- هيبقى صبور ومتفهم معاكي:
لما انتي تغلطي بيكون صبور معاكي ومش بيحاول التقليل منك او يخليكي تحسي بالذنب ، ولكن بيحاول يفهم موقفك ويدعمك.