8 وجبات خفيفة صحية قبل النوم لتحسين نومك
في بعض الاطعمة المعروفة بانتاج هرمونات معينة ومواد كيميائية طبيعية في جسمك بتساعد على تحسين النوم بشكل افضل ، وهي مش بس مفيدة للجسم ولكن كمان هتساعدك على الحصول على راحة جيدة اثناء الليل ، تابعي معانا السطور الجايه واتعرفي على 8 وجبات خفيفة صحية لتحسين النوم.
وجبات خفيفة صحية لتحسين النوم:
1- الموز + زبدة اللوز:
الوجبة الخفيفة دي تعتبر اختيار صحي مثالي قبل النوم ، بيحتوي الموز وزبدة اللوز على نسبة عالية من البوتاسيوم والمغنيسيوم اللي بيساعدوا على النوم ، بالاضافة لفوايد صحية تانية ، الموز مصدر رائع لفيتامين سي الضروري لنمو الانسجة ، وزبدة اللوز بتحتوي على نسبة عالية من الدهون الاحادية غير المشبعة والمعروف انها بتخفض نسبة الكوليسترول الضار وبترفع نسبة الكوليسترول الجيد ، وده بيساعد على تحسين صحة القلب.
2- زبادي يوناني + جرانولا:
الزبادي اليوناني والجرانولا بيحتوا على نسبة عالية من البروتين وده هيساعدك على الشعور بالشبع لفترة اطول ، وهيساعد على كبح الرغبة الشديدة في اكل الاطعمة غير الصحية زي الحلويات السكرية في وقت متأخر من الليل ، اتأكدي من اختيار الزبادي اليوناني بدل من انواع الزبادي العادية لانه بيحتوي على حمض اميني اسمه التريبتوفان ، وده بيعزز الميلاتونين والسيروتونين في جسمك ، وده هيديكي راحة افضل اثناء الليل ، الجرانولا كمان ليها فوايد صحية بما فيهم القدرة على تحسين ضغط الدم, تقليل مستويات الكوليسترول, وتحسين صحة الامعاء.
3- الفشار:
يعتبر الفشار من غير دهون وجبة خفيفة صحية ممكن تاكليها قبل النوم ، الفشار منخفض الكربوهيدرات والسعرات الحرارية ، وده بيخليه وجبة خفيفة مثالية لو حسيتي ان عندك رغبة في اكل حاجة بالليل في وقت متأخر ، بالاضافة ان الفشار بيسمح لجسمك بافراز لاسيروتونين لمساعدتك على النوم.
4- بيضة مسلوقة:
البيض المسلوق يعتبر من افضل الوجبات الخفيفة الصحية اللي ممكن تاكليها قبل النوم ، البيض بيحتوي على البروتين اللي بيساعد على موازنة مستويات السكر في الدم ويخليكي نايمة طول الليل ، بياض البيض بيساعد على انتاج الميلاتونين بالاضافة للحمض الاميني التريبتوفان لمساعدتك على النوم بشكل افضل ، كتير من الناس بيعتقدوا ان صفار البيض مضر بسبب ارتفاع مستويات الكوليسترول فيه ، لكن في الواقع ده مش صح ، صفار البيض بيحتوي على كتير من العناصر الغذائية زي اللوتين, والزياكسانثين اللي بيدعموا صحة العين والمخ ، ولكن افتكري بس انه تاكلي صفار البيض باعتدال.
5- الارز الابيض:
الارز الابيض بيحتوي على مؤشر نسبة السكر في الدم مرتفع وده هيساعدك على الشعور بالشبع وهيحسن نوعية نومك ، الانسولين اللي بيتم اطلاقه بعد اكل الارز الابيض بينتج حمض التريبتوفان الاميني اللي بيساعد على النوم ، واثبتت الدراسات ان الاشخاص اللي اكلوا ارز ابيض اكتر ناموا بشكل افضل من الاشخاص اللي اكلوا المكرونة او الخبز ، ولكن مع ذلك لازم تاكلي الارز بكميات معتدلة بسبب انخفاض الالياف وارتفاع محتواه من الكربوهيدرات.
6- الكيوي:
الكيوي يعتبر واحد من افضل الوجبات الخفيفة الصحية اللي ممكن تاكليها قبل النوم ، وليه فوايد بتحسن النوم زي السيروتونين ، وهي مادة كيميائية بتساعد على تنظيم دورة نومك ، الكيوي بيحتوي كمان على خصائص مضادة للالتهابات زي فيتامين سي اللي بيساعد على النوم ، كمان الكيوي بيساعد على الهضم, خفض ضغط الدم, حماية العين, تعزيز جهاز المناعة, حتى كمان المساعدة في علاج الربو ، الكيوي يعتبر طعام مثالي ورائع جدا مش بس لاكله قبل النوم ولكن كمان في اي وقت في اليوم.
7- الشاي الاخضر بالعسل:
دي مش وجبة خفيفة ولكنها تستحق انك تحطيها مع قايمة الحاجات الصحية ، مركب الثيانين الموجود في الشاي الاخضر بيعزز النوم بشكل افضل عن طريق تقليل التوتر ، اتأكدي من اختيار الشاي الاخضر اللي بيحتوي على نسبة منخفضة من الكافيين ، العسل كمان مفيد للنوم لانه يغذي عقلك طول الليل ، بيحتوي كمان على الميلاتونين اللي بيساعد على النوم وتعزيز المناعة ، ولكن ضيفي العسل باعتدال.
8- اللوز:
اللوز مصدر كبير للميلاتونين والمغنيسيوم ، وده بدوره هيحسن نوعية نومك ، كمان ممكن انه يساعد على تقليل مستويات التوتر ، عن طريق خفض هرمون الكورتيزول (هرمون التوتر) ، اتأكدي من اختيار اللوز اللي مش بيحتوي على كتير من النكهات المضافة او الصوديوم ، كمان اللوز بيساعد على خفض نسبة الكوليسترول السيء ، ومساعدة الاكسجين والمواد المغذية على التدفق بحرية في كل انحاء الجسم ، وتعزيز صحة القلب.