مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم
مافيش شك ان القهوة هي المشروب الصباحي المفضل لكتير من الناس ، لانها بتعزز مستويات الطاقة بشكل فوري وبتخليكي مستعدة ليومك ، بالاضافة انها بتحتوي على فوايد صحية تانية ، زي تحسين التمثيل الغذائي ، ولما تتشرب باعتدال بتحمي القلب ، ولكن قليل من الناس يعرفوا انك تقدري تحولي مشروبك الصباحي ده لحارق قوي للدهون بمجرد اضافة بعض المكونات ليه وهيخليكي تخسري وزن من غير ما تعملي اي تغييرات في نظامك الغذائي او اسلوب الحياة.
حرق دهون الجسم بالقهوة:
ليه التوليفة دي تعتبر قوية جدا؟
- القرفة: بتوفر فوايد صحية كتير للجسم ، وهو عامل قوي مضاد للالتهاب ، بالاضافة انها مليانة بمضادات الاكسدة وده معناه انها بتمنع الاثار السلبية للجذور الحرة ، بالاضافة انها بتقلل من مستويات السكر في الدم عن طريق زيادة التمثيل الغذائي للسكر في الدم ، وبتدعم تكسير السكر اللي بيتحول لطاقة ، وبالطريقة دي القرفة بتمنع تراكم الدهون في جسمك.
- زيت جوز الهند: بيتكون من احماض دهنية متوسطة السلسلة ، واللي بيبعتها الجهاز الهضمي مباشرة للكبد ، ولو ماتحولتش لطاقة فهي بتتحول لاجسام كيتونية وده معناه عدم تخزينها على شكل دهون ، وافضل ميزة لزيت جوز الهند لفقدان الوزن هو انه بيظبط عملية التمثيل الغذائي بشكل طبيعي لحرق الدهون بشكل اكتر كفاءة.
- العسل: العسل ممكن يكون مليان بالسكر ولكنه سكر طبيعي ، بيعتمد عليه الجسم للحصول على الطاقة ، كمان العسل غني بالمعادن المهمة زي الصوديوم, الحديد, الزنك, الكالسيوم, البوتاسيوم, الريبوفلافين ، بالاضافة انه بيحتوي كمان على النياسين, الفولات, فيتامين سي, والفوسفور, وفيتامين ب 6 ، وثبت انه مفيد جدا لتنظيم مستويات الكوليسترول في الدم وتقليل التوتر ، وعملية حرق الدهون في الجسم بتعتمد بشكل كبير لحد كبير على المعادن والفيتامينات ، وهنا يجي دور العسل ، بيوفر العناصر الغذائية الاساسية وبالتالي بيمنع اي نقص في المعادن او الفيتامينات في الجسم.
وصفة القهوة لحرق دهون الجسم:
هتحتاجي:
- ½ كوباية عسل.
- ¾ كوباية زيت جوز هند.
- 1 معلقة صغيرة قرفة.
1 معلقة صغيرة كاكاو (اختياري).
طريقة التحضير:
اخلطي كل المكونات مع بعض لعمل عجينة ، احفظيها في علبة او برطمان زجاجي واحفظيها في التلاجة.
طريقة الاستخدام:
خدي من الخليط 1 – 2 معلقة صغيرة وضيفيه لفنجان القهوة بتاعك ، وقلبيها واستمتعي بفنجان القهوة الصباحي بتاعك الحارق للدهون.
