فوايد منقوع الزبيب الاسود للبشرة
الزبيب الاسود ، من انواع الفواكه المجففة اللي بتدخل في الحلويات والعصاير ، ولكن فايدته مش بتقف عند القيمة الغذائية بس ، ولكن هو مكون صحي وليه خصائص طبية للجسم والبشرة ، والنهاردة من خلال موضوعنا هنتعرف على فوايد الزبيب الاسود للبشرة ، وازاي تحضريه.
فوايد الزبيب الاسود للبشرة:
- بيحسن من وظائف الكبد لازالة السموم من الجسم ، وده بدوره بيساعد على طرد السموم الجسم وتنضيفه والشوائب وده بينعكس على صحة ونضارة البشرة.
- بيمنع علامات الشيخوخة والتجاعيد المبكرة والخطوط الرفيعة والعميقة ، لانه بيحتوي على مضادات الاكسدة والمواد الكيميائية النباتية اللي بتحمي الجلد من التلف والالياف اللي بتحافظ على البشرة مرنة ومشدودة.
- بيساعد على منع حب الشباب وتخفيفه لو موجود ، لانه غني بفيتامين سي اللي بيمنع تشكل الخلايا الدهنية ، وبيمنع جفاف البشرة.
- بيدي البشرة نضارة طبيعية ولون وردي وخصوصا في منطقة الخدود ، بسبب محتواه من الريسفيراتول واللي ليه دور اساسي في تنقية الدم وزيادة انتاج خلايا الدم الحمرا ، وده بدوره بيخلي الجلد افتح واكتر لمعان.
- منقوع الزبيب الاسود بيحمي الجلد من الداخل عن طريق حماية الخلايا من اي ضرر لانه مضاد اكسدة بيمنع الجذور الحرة من اتلاف خلايا الجلد والكولاجين والايلاستين.
- بيساعد في حماية البشرة من اضرار اشعة الشمس ، لان المواد الكيميائية النباتية الموجودة فيه بتحمي خلايا الجلد من الاضرار الناتجة عن التعرض لاشعة الشمس الضارة ، والاحماض الامينية في الزبيب بتساعد على تعزيز تجديد الجلد وبتعمل حاجز واقي ضد اضرار اشعة الشمس ، وده مفيد للوقاية من سرطان الجلد.
- منقوع الزبيب الاسود بيزود من افراز الكولاجين وده بيخلي البشرة اكتر شباب.
- بيعزز صحة البشرة وبيعالجها وبيخليها صافية وخالية من العيوب.
- بيحمي خلايا الجلد ، وبيحفز انتاج فيتامين "هـ" للبشرة لحماية طبقات الجلد الخارجية.
- منقوع الزبيب الاسود بيحارب شحوب البشرة وعلامات التعب.
- الزبيب الاسود بيحتوي على فيتامين A, E اللي بتساعد على تحفيز نمو الخلايا الجديدة في طبقات الجلد الخارجية ، وبيخلي البشرة نضرة ومنورة.
طريقة تحضير منقوع الزبيب الاسود لنضارة البشرة:
خدي حفنة من الزبيب الاسود حوالي 2 معلقة كبيرة وانقعيهم في كوباية ماية طول الليل ، وتاني يوم الصبح اضربي الزبيب بالماية بتاعته في الخلاط واشربيه على الريق على معدة فاضية ، كرري ده بشكل يومي لحد ما تشوفي النتايج على بشرتك.
طريقة تانية لاستخدام الزبيب:
هاتي كوباية من الزبيب الاسود ، انقعيها في لتر ماية ، وسيبيه في مكان بارد او في التلاجة لمدة 2 – 3 ايام ، مع التقليب من وقت للتاني.
صفيه وخدي الماية اغمسي فيها قطعة قطن ، وامسحي بيها بشرتك ، وبعدها اشطفي بشرتك بالماية ، والزبيب نفسه تقدري تاكليه.