سيروم ليلي طبيعي لنضارة البشرة
العناية بالبشرة اثناء الليل مختلفة تماما عن روتينك النهاري ، الصبح بشرتك بتتعرض للتلوث واشعة الشمس ، عشان كده ضروري استخدام المنتجات اللي اساسها مائي في النهار ، ولكن بالليل لازم تحافظي على رطوبة بشرتك من خلال استخدام زيوت خفيفة في مستحضرات العناية بالبشرة ، والنهاردة من خلال المقال بتاعنا هنشارك معاكم طريقة عمل سيروم ليلي طبيعي لنضارة البشرة وتحسينها في وقت قصير.
سيروم ليلي للبشرة العادية للدهنية:
هحتاجي:
- 1 معلقة من جل الصبار.
- 2 – 3 معالق ماية ورد.
- رشة كركم.
- 2 – 3 نقط من زيت الجوجوبا.
امزجي كل المكونات مع بعض كويس ، وكده السيروم جاهز.
سيروم ليلي للبشرة الجافة:
هحتاجي:
- 1 معلقة من زيت اللوز الحلو.
- كام نقطة من زيت فيتامين E.
اخلطي المكونين مع بعض كويس ، وكده السيروم يبقى جاهز.
طريقة استخدام السيروم:
نضفي بشرتك بالغسول المناسب وجففيها ، خدي كان نقطة من السيروم وزعيهم على بشرتك ودلكيها تدليك لطيف كام دقيقة ، وكده تبقي خلصتي وجاهزة للنوم ، وهتصحي تاني يوم ببشرة نضرة ومنورة ورطبة.