سيروم البصل لتكثيف الحواجب في اسبوع واحد بس

حاليا بقت الموضة هي الحواجب والرموش الكثيفة ، لكن لو انتي حواجبك خفيفة ورموشك مش كثيفة كفاية ، النهاردة هنشارك معاكم علاجات طبيعية بسيطة تقدري تستخدميها في البيت لتكثيف الحواجب وتطويل وتكثيف الرموش.

سيروم عصير البصل:

هتحتاجي:

- 2 معلقة صغيرة من جل الصبار.

- 1 بصلة.

- 1 معلقة صغيرة زيت زيتون.

طريقة التحضير والاستخدام:

- ابشري البصل واستخدمي مصفي للضغط عليه واستخراج العصير ، خدي معلقة صغيرة من عصير البصل وضيفي له جل الصبار وزيت الزيتون ، امزجي المكونات مع بعض كويس ، وكده السيروم يبقى جاهز ، خزني السيروم في التلاجة لمدة توصل لاسبوع.

- طريقة استخدامه ، بفرشة ماسكارا حطي السيروم على الحواجب وسيبيه لمدة 30 دقيقة وبعدها اغسليها بالماية ، وممكن كمان تسيبي السيروم طول الليل ، استخدمي السيروم ده يوميا لمدة شهر للحصول على افضل النتايج ، افتكري ان السيروم ده ماينفعش استخدامه للرموش لانه هيحرق عينك.

بعض العلاجات المنزلية التانية اللي تقدري تستخدميها لتكثيف الرموش والحواحب:

- صفار البيض:

في بوله اخفقي صفار بيضة باستخدام الشوكة ، وبفرشة وزعي صفار البيض على حواجبك ورموشك ، سيبيه ينشف لمدة 20 دقيقة ، وبعدها اغسليه بماية فاترة ، كرري الوصفة دي مرتين في الاسبوع.

- بذور الحلبة:

انقعي 2 معلقة كبيرة من بذور الحلبة في كوباية ماية ، سيبيه منقوع من بالليل للصبح ، وتاني يوم الصبح اطحني بذور الحلبة لحد ما تتكون عندك عجينة ناعمة ، حطي العجينة على حواجبك ورموشك ، دلكيها على حواجبك بلطف ، وسيبيه ينشف لمدة 30 – 40 دقيقة ، وبعدها اغسليه بماية فاترة ، كرري الوصفة مرتين في الاسبوع.

- الفازلين:

ادهني حواجبك ورموشك بالفازلين ، ودلكيه على حواجبك بلطف ، سيبيه طول الليل ، واغسليه تاني يوم الصبح بالماية ، كرري الطريقة دي كل يوم قبل النوم.