تحدي ال 7 ايام لنمو الشعر
النهاردة من خلال موضوعنا هنشارك معاكم بعض العلاجات الطبيعية الفعالة اللي هتساعدك على وقف تساقط الشعر وهتعزز من نمو شعرك.
علاجات طبيعية لنمو الشعر:
العلاج 1: عصير البصل
عصير البصل فعال جدا لتعزيز نمو الشعر وعلاج الثعلبة بنجاح ، كمان عصير البصل بيحسن الدورة الدموية وده بدوره بيساهم في تطور بصيلات الشعر ونموها.
لاستخدام عصير البصل ، ابشري البصل واعصريه ، وبعدها حطي العصير على فروة راسك وشعرك ، سيبيه لمدة 15 دقيقة على الاقل ، وبعدها اغسليه بالشامبو.
ممكن تضيفي كام نقطة من زيت الروزماري لعصير البصل.
العلاج 2: زيت جوز الهند مع اوراق الكاري
هتحتاجي زيت جوز هند, زيت سمسم, اوراق كاري.
هاتي حلة وضيفي كميات متساوية من زيت جوز الهند وزيت السمسم ، سخني الزيوت وبعدين ضيفي لهم اوراق الكاري وسيبيها على نار خفيفة لحد ما اوراق الكاري تتحول للون الاسود ، ارفعي الزيت من على النار وسيبيه يبرد ، وكده الزيت يبقى جاهز ، خزنيه في ازازة زجاجية.
دلكي فروة راسك بخليط الزيت بأطراف صوابعك في حركات دائرية صغيرة مع ضغط خفيف لمتوسط ، وسيبيه لمدة 2 – 3 ساعات وبعدها اغسليه ، كرري العلاج 2- 3 مرات في الاسبوع.
زيت جوز الهند بيحتوي على احماض دهنية وهي حمض اللوريك ، اللي بتتغلغل جوه جذع الشعر وبتقلل من فقدان البروتين من الشعر ، واظهرت الدراسات ان تطبيق زيت جوز الهند بيساعد على زيادة الميكروبيوم الموجود في فروة الراس ، وده هيخلي فروة الراس وبصيلات الشعر اكتر صحة.
العلاج 3: جل الالوفيرا
الصبار بيستخدم من فترة طويلة لعلاج تساقط الشعر ، كمان بيهدي فروة الراس وبيرطب الشعر ، بالاضافة انه بيقلل من قشرة الراس وبيفتح بصيلات الشعر اللي ممكن تكون مسدودة بسبب الزيوت الزيادة.
ممكن تستخدمي جل الصبار النقي على فروة راسك وشعرك كذا مرة في الاسبوع ، ممكن كمان تستخدمي انواع شامبو وبلسم بتحتوي على الصبار.
