اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي
اكيد سمعنا كتير جملة "انت ما تأكله" وده صحيح بنسبة 100% بالنسبة لبشرتك ، لان واحدة من العلامات الاولى للصحة الجيدة هي البشرة النضرة الصحية ، وكل اللي بتاكليه بيظهر تأثيره اول حاجة على بشرتك ، النهاردة هنشارك معاكم مشروبين من مشروبات الجمال اللي هتساعدك على الحصول على البشرة اللي بتحلمي بيها.
مشروبات الجمال لبشرة صحية:
- المشروب 1:
المكونات:
- 1 حبة بنجر.
- 2 حبة جزرة صغيرة.
- 1 حبة تفاح.
- ½ كوباية ماية.
طريقة التحضير:
1- في الخلاط ضيفي البنجر, الجزر, التفاح ، وضيفي لهم الماية ، واضربي المكونات مع بعض كويس.
2- صفي المشروب ، وكده يبقى العصير جاهز.
3- اشربي كوباية واحدة من المشروب ده كل يوم مع وجبة الفطار.
العصير ده بيساعد على تحسين الدورة الدموية ، بالاضافة انه مصدر غني بالفيتامينات A, C اللي هتساعدك على الحصول على بشرة صحية.
المشروب 2:
المكونات:
- 1 حبة رمان.
- 1 حبة تفاحة خضرا.
- ½ كوباية ماية.
طريقة التحضير:
1- في الخلاط ضيفي الرمان, التفاح, والماية ، اضربيهم كويس مع بعض.
2- بعدها صفي الخليط ، وكده يبقى العصير جاهز.
3- للحصول على افضل النتايج ، اشربي كوباية واحدة منه كل يوم الصبح.
الرمان والتفاح الاخضر بيحتوي على كميات كبيرة من فيتامين C والانزيمات ومضادات الاكسدة اللي بتشفي البشرة وبتحسن توهجها ، بالاضافة ان فيتامين سي يعتبر عامل مضاد للالتهابات وده بيساعد على تقليل حب الشباب والبقع الغامقة.
تقدري تختاري اي مشروب من الاتنين او تبدلي بينهم ، ولكن المهم انك تشربي منه كوباية واحدة كل يوم.