مشروب الجلوتاثيون بمكونات طبيعية وفعال 100% في تفتيح البشرة
الجلوتاثيون سبق اتكلمنا عنه قبل كده وفي مدى فاعليته في تفتيح البشرة ، وهو عادة بيكون متوفر في شكل حبوب او حقن ، ولكن الادوية بيكون ليها آثار جانبية ، عشان كده النهاردة هنقولك بديل طبيعي ، وهنتعرف مع بعض على طريقة عمل مشروب الجلوتاثيون بمكونات طبيعية ، فعال جدا في تفتيح البشرة ومالوش آثار جانبية.
مشروب الجلوتاثيون:
المكونات:
- 1 كوباية بابايا.
- 2 معلقة كبيرة كركم من جذور الكركم الطازة.
- 1 جزرة متوسطة الحجم.
- ½ كوباية من بذور الرمان.
- حفنة من السبانخ.
- 2 قرص فيتامين سي.
- رشة فلفل اسود.
طريقة التحضير:
1- في الخلاط ضيفي البابايا, الكركم, الجزر, الرمان, السباتخ, واخر حاجة ضيفي قرصين الفيتامين سي.
2- اضربي كل المكونات مع بعض كويس ، ولو حسيتي ان الخليط سميك ممكن تضيفي له شوية ماية لتخفيفه لحد ما توصلي لقوام مناسب.
3- صبي المشروب في كوباية ورشي عليه رشة فلفل اسود حسب الرغبة ، الفلفل الاسود هيساعد على امتصاص الكركمين بشكل افضل في الجسم.
4- تقدري تشربيه في اي وقت خلال اليوم ، ولكن الافضل انك تشربيه اول حاجة الصبح قبل وجبة الفطار.
على الرغم من ان معظم مضادات الاكسدة موجودة في الاكل اللي بناكله ، وجسمنا بينتج جلوتاثيون بشكل طبيعي وهو بيتكون بشكل اساسي من 3 احماض امينية هما الجلوتامين, الجليسين, السيستين ، الا انه في كتير من الاسباب ممكن تأدي لانخفاض مستوي الجلوتاثيون في الجسم ، بما فيهم النظام الغذائي السيء, الامراض المزمنة, العدوى, والقلق المستمر.
فيتامين سي هو فيتامين قابل للذوبان في الماء ، وفي مجموعة كبيرة من الاطعمة الطازة زي الفواكة والخضروات بتحتوي على فيتامين سي ، اللي بيشتغل كمضاد اكسدة لحماية الخلايا من الاضرار التأكسدية ، وبيحافظ على امداد الجسم بمضادات الاكسدة التانية ، بما فيها الجلوتاثيون.
والباحثين لقوا ان فيتامين سي ممكن انه يساعد في زيادة مستويات الجلوتاثيون عن طريق مهاجمة الجذور الحرة ، وبالتالي الحفاظ على الجلوتاثيون في الجسم ، ولقوا كمان ان فيتامين سي بيساعد على اعادة معالجة الجلوتاثيون عن طريق تحويل الجلوتاثين المؤكسد لشكله النشط.
واثبتت كتير من الدراسات ان مستخلص الكركم والكركمين بيساعد على زيادة مستويات الجلوتاثيون ، واثبتت الدراسة ان الكركمين الموجود في الكركم بيساعد على استعادة مستويات كافية من الجلوتاثيون وتعزيز وظيفة انزيمات الجلوتاثيون.
