تونيك للشعر بمكونات طبيعية للتخلص من كل مشاكل شعرك
لو بتعاني من مشاكل الشعر ، فانتي محتاجة تونيك قوي للشعر ، التونيك بيساعد على تنشيط فروة الراس وبيدي الشعر نعومة ومرونة ، تدليك فروة الراس بتونيك منشط بيساعد على تحسين الدورة الدموية في فروة راسك ، وده هيساعد على الحفاظ على صحتها ، وبيقلل من تساقط الشعر ، وبيحسن نمو الشعر ، كمان تونيك الشعر بيقلل من حكة فروة الراس ، وبيغذي الشعر الجاف ، وبيديه لمعان طبيعي ، وبيخليه ناعم ومرن ، تابعي معانا السطور الجايه واتعرفي على طرق لعمل تونيك للشعر لحل كل مشاكل شعرك.
1- تونيك بذور الحلبة:
المكونات:
- ½ لتر زيت خردل.
- شوية من بذور الحلبة.
طريقة التحضير والاستخدام:
1- حطي كمية الزيت كلها في طاسه.
2- ضيفي بذور الحلبة للزيت.
3- حطي الطاسة على نار خفيفة ، وسيبيه لحد ما بذور الحلية تتحول للون الاسود ، حوالي 10 – 15 دقيقة بس.
4- ارفعي الزيت من على النار وسيبيه على جنب لمدة 30 دقيقة لحد ما يبرد.
5- بعدها صفي الزيت واتخلصي من بذور الحلبة ، وانقليه في ازازة للتخزين ، دلوقتي التونيك جاهز للاستخدام.
6- قبل اليوم اللي هتغسلي فيه شعرك ، خدي من الزيت وادهني شعرك من الجذور للاطراف وسيبيه طول الليل ، او ادهنيه 7- قبل ساعة على الاقل من غسل الشعر ، ولكن تركه طول الليل على الشعر هيجيب نتايج افضل.
8- كرري الطريقة دي كل 3 ايام.
2- تونيك البصل:
المكونات:
- 2 كوباية ماية.
- 1 بصلة متوسطة الحجم.
- 15 – 20 ورقة من اوراق الكاري الطازة.
- 2 معلقة كبيرة من بذور حبة البركة.
طريقة التحضير والاستخدام:
1- قشري البصل وقطعيه ، وماتتخصيش من قشور البصل.
2- في حلة اغلي الماية وضيفي لها البصل المفروم وقشور البصل.
3- ضيفي لهم بذور حبة البركة.
4- سيبي الخليط يغلي لحد ما كمية الماية تقل لنص كوباية.
5- ارفعي الخليط من على النار وسيبيه لحد ما يبرد ، وبعدها صفيه.
7- صبي الخليط في ازازة ببخاخ.
8- سرحي الشعر بمشط اسنانه واسعة لفك التشابك.
9- رشي التونيك على فروة الراس ، ودلكيه كويس.
10- استخدميه على الشعر يوميا قبل النوم وسيبيه طول الليل واغسليه الصبح.
3- تونيك زيت الرزوماري:
المكونات:
- 1 لتر من زيت الخردل.
- 5 مل من زيت الرزوماري.
- 5 مل من زيت النعناع.
طريقة التحضير والاستخدام:
1- في ازازة او برطمان محكم الغلق اخلطي كل الزيوت مع بعض كويس.
2- اقفليه وخزنيه بعيد عن الشمس.
3- خدي شوية من الزيت على اطراف صوابعك ، دلكي بيه فروة راسك.
4- سيبيه على الشعر طول الليل ، واغسليه تاني يوم بالشامبو بالطريقة العادية.
4- تونيك اوراق الكاري:
المكونات:
- 1 معلقة كبيرة من اوراق عشبة البراهمي.
- 1 معلقة كبيرة من اوراق الكاري.
- 1 معلقة كبيرة من اوراق الحنة.
- كام نقطة من زيت الروزماري.
- 1 كوباية ماية.
- 1 كبسولة زيت فيتامين E.
- 1 معلقة صغيرة من جل الصبار.
طريقة التحضير والاستخدام:
1- هاتي حلة حطي فيها الماية وضيفي لها كل الاعشاب.
2- سيبي الخليط يغلي لحد ما الماية تقل للنص.
3- صفي الخليط وسيبيه يبرد تماما.
4- ضيفي له كبسولة من زيت فيتامينE.
5- قلبي كل المكونات مع بعض كويس.
6- انقلي الخليط لازازة ببخاخ.
7- سرحي الشعر لفك التشابك.
8- رشي التونيك على جذور الشعر ، ودلكيه بلطف بأطراف صوابعك.
9- كرري العملية دي كل ليلة قبل النوم للحصول على افضل النتايج.
5- تونيك اوراق المانجا:
المكونات:
- 3 – 4 من اوراق المانجا المجففة.
- حفنة من اوراق النيم.
- 1 ليمونة.
- 1 – 2 معلقة كبيرة حبة البركة.
- حفنة من اوراق الكاري.
- حفنة من اوراق الجوافة.
- عصير الصبار.
- 1 كوباية ماية.
طريقة التحضير والاستخدام:
1- انقعي اوراق المانجا المجففة في الماية لمدة 6 ساعات على الاقل قبل تحضير التونيك.
2- انقعي بذور حبة البركة في الماية لمدة 24 ساعة على الاقل.
3- انقعي ورق الجوافة في الماية لحد ما يبقى قوامها ناعم.
4- قشري الليمون وخدي القشر بتاعه.
5- دلوقتي خدي اوراق المانجا المنقوعة, اوراق الجوافة, اوراق النيم, اوراق الكاري, وماية بذور حبة البركة وحطيهم في الخلاط.
6- ضيفي لهم باقي المكونات ، واضربيهم مع بعض لحد ما تكون عجينة ناعمة.
7- بعدها صفي الخليط.
8- انقلي الخليط في ازازة ببخاخ.
9- عند لاستخدام رجي الخليط كويس قبل الاستخدام لخلط كل المكونات بشكل صحيح.
10- سرحي شعرك لفك التشابك.
11- رشي التونيك على فروة راسك.
12- دلكيه تدليك خفيف لمدة دقيقة او دقيقتين.
13- كرري العملية دي كل ليلة لافضل النتايج.
6- تونيك ماية الارز:
المكونات:
- 1 كوباية ارز.
- 2 كوباية ماية.
طريقة التحضير والاستخدام:
1- في حلة اخلطي الارز مع الماية واغليهم مع بعض لحد ما الارز يستوي تماما.
2- بعدها صفي الماية في طبق نضيف.
3- سيبي الماية لمدة يوم او يومين في درجة حرارة الغرفة تتخمر.
4- وبعدها انقليها في ازازة محكمة الغلق.
5- استخدمي التونيك ده كأخر شطفة للشعر بعد غسله بالشامبو.
6- واستخدمي بعده البلسم.
