جل القهوة للهالات السودا وتجاعيد العين

مع الوقت والتقدم في السن والعادات السيئة الجلد يفقد مرونته, الكولاجين والايلاستين ، وده بيأدي لظهور تجاعيد وخطوط رفيعة على البشرة وبتترهل بشكل ملحوظ ، وغالبا بيظهر التأثير ده اول حاجة على منطقة الرقبة ، وبعدها منطقة تحت العين ، لان بيكون فيها الجلد رقيق وحساس ، ولما بتظهر الخطوط والتجاعيد دي بتغير مظهر الوش بشكل كبير ، والنهاردة من خلال موضوعنا هنتعرف على طريقتين لحل مشكلة الهالات السودا والتجاعيد والخطوط الرفيعة تحت العين بمكونات طبيعية من البيت.

جل القهوة والصبار:

المكونات:

- 1 معلقة صغيرة قهوة.

- 1 معلقة صغيرة جل صبار.

- زيت فيتامين E.

طريقة التحضير والاستخدام:

1- في بوله صغيرة اخلطي القهوة مع جل الصبار كويس.

2-ضيفي لهم كام نقطة من زيت فيتامين E.

3- وزعي الجل ده على منطقة حوالين العين بالصوباع البنصر ، مع التدليك بأقل ضغط على المنطقة.

4- حطي الجل قبل النوم وسيبيه طول الليل يعمل مفعوله.

مزيج القهوة وجل الصبار بيساعد على ترطيب البشرة وتعزيز مرونتها ومنع التجاعيد تحت العين.

سيروم القهوة وزيت جوز الهند:

المكونات:

- 1 معلقة صغيرة من زيت جوز الهند.

- 1 معلقة صغيرة قهوة.

طريقة التحضير والاستخدام:

1- اخلطي زيت جوز الهند مع القهوة وقلبيهم كويس مع بعض للحصول على سيروم ناعم.

2- وزعي السيروم حوالين عينيكي.

3- سيبيه طول الليل.

مزيج القهوة وزيت جوز الهند بيساعد على منع التصبغ وبالتالي هيمنع الهالات السودا ، وبيساعد على منع التجاعيد والخطوط الرفيعة حوالين العين.

وبيساعد كمان على منع تجاعيد (رجل الغراب).

من خلال دمج العلاجات الطبيعية دي في روتين العناية ببشرتك ، هتعالجي التجاعيد والهالات السودا تحت العين بشكل فعال ، وهتعززي من نعومة وشباب البشرة.