مشروب بذور الشيا لانقاص الوزن بسرعة

مشروب بذور الشيا يعتبر مشروب قوي لانقاص الوزن ، بيساعد على تعزيز عملية التمثيل الغذائي او الحرق في الجسم ، وبينظم مستويات السكر في الدم ، وبيعزز الصحة العامة ، بالاضافة انه مليان بالعناصر الغذائية الاساسية الحيوية لجسم صحي ، تابعي معانا السطور الجاية واتعرفي على طريقة تحضير المشروب.

مشروب بذور الشيا لحرق الدهون:

المكونات:

- 2 معلقة كبيرة من بذور الشيا.

- 1 معلقة صغيرة عسل.

- 1 معلقة صغيرة عصير ليمون.

طريقة التحضير:

1- اخلطي بذور الشيا, العسل, عصير الليمون, و2 كوباية ماية في برطمان كبير.

2- غطي الخليط وخليه التلاجة وسيبيه لمدة ساعة على الاقل ، وممكن تحضريه وتسيبيه طول الليل في التلاجة.

3- وتاني يوم قلبيه واشربيه اول حاجة الصبح على الريق.

مشروب القرفة والكمون لحرق الدهون:

المكونات:

- 1 لتر ماية.

- 1 معلقة صغيرة عسل.

- 1 معلقة صغيرة عصير ليمون.

- عود قرفة.

- 3 معالق صغيرة من بذور الكمون.

طريقة التحضير:

1- في حلة ضيفي الماية, بذور الكمون, وعود القرفة.

2- اغلي الخليط لمدة 5 دقايق على الاقل.

3- بعدها ارفعي الخليطي من على النار وسيبيه يبرد شوية لحد ما يبقى دافي ، وبعدين صفيه.

4- صبي الخليط في كوباية وضيفي له العسل وعصير الليمون ، واخلطيهم كويس.

5- اشربي المشروب ده كل يوم اول حاجة الصبح على الريق.