طريقة عمل وصفة ليالي لبنان

ريهام محمود
ريهام محمود
105

لو بتحبي الحلويات السهلة اللي بتاخد اقل وقت ومجهود في التحضير وفي نفس الوقت مش محتاجة لخبز ولا فرن ، جربي وصفة ليالي لبنان ، تعتبر من اشهر الحلويات اللبنانية اللي ليها شعبية كبيرة في لبنان ومن هنا جيه اسمها ، تابعي معانا موضوعنا واتعرفي على الطريقة بالخطوات.

وصفة ليالي لبنان:

مكونات بودنج السميد:

- 1 كوباية سيمولينا (دقيق سميد).

- 5 كوبايات لبن.

- 2 معلقة كبيرة سكر.

- ¼ معلقة صغيرة مستكة مطحونة (اختياري ولكن ينصح باضافته).

- 1 معلقة صغيرة ماء زهر بنكهة البرتقان (اختياري ولكن ينصح باضافته).

مكونات القشطة:

- ½ كوباية لبن.

- 1 كوباية كريمة تقيلة Heavy whipping cream.

- 1 معلقة كبيرة دقيق.

- 2 معلقة كبيرة نشا.

- 2 معلقة كبيرة سكر.

للتزيين:

- ¾ كوباية فسدق مجروش.

مكونات السيرب:

- 2 كوباية سكر.

- 1 كوباية ماية.

- 1 معلقة صغيرة ماء زهر بنكهة البرتقان او حسب رغبتك.

طريقة التحضير:

1- لتحضير القشطة ، اخلطي كل مكونات القشطة واضربيها بالمضرب الكهربائي للتخلص من اي كتل ، بعدها حطيه على نار متوسطة لعالية واستمري في التقليب لحد ما الخليط يتقل ، حوالي 5 دقايق ، المفروض الخليط يبقى كريمي وقابل للصب بسهولة ، ولو حابه ممكن تضيفي كام نقطة من ماء زهر البرتقان وقلبيها.

2- انقلي القشطة في طبق تاني وغطيها بغطا بلاستيك عشان الوش ماينشفش ، وسيبيه على جنب يبرد لحد ما تحضري بودنج السميد.

3- لتحضير بودنج السميد ، اخلطي كل مكونات بودنج السميد ماعدا ماء زهر البرتقان ، وقلبيهم مع بعض على نار متوسطة لعالية لحد ما يتقل ويبقى قوامه مناسب قابل للصب ، هياخد حوالي 10 دقايق تقريبا ، وبعدها ضيفي ماء زهر البرتقان وقلبيه.

في قالب مقاس 9 في 11 ووزعيه بالتساوي ، سيبيها تبرد لمدة 10 دقايق ، وبعدها حطي طبقة القشطة على الوش ووزعيها بالتساوي.

وصفة ليالي لبنان.1
وصفة ليالي لبنان.1

4- رشي على الوش الفسدق المجروش.

وصفة ليالي لبنان.2
وصفة ليالي لبنان.2

5- غطيها وسيبيها تبرد في التلاجة لمدة ساعتين ، في خلال الوقت ده هنحضر السيرب عن طريق خلط السكر والماية مع بعض ، وسيبيه على نار خفيفة لمدة ما بين 5 – 10 دقايق لحد ما يتقل شوية ، وضيفي له شوية من ماء زهر البرتقان لو حبيتي وقلبيه.

وصفة ليالي لبنان.3
وصفة ليالي لبنان.3

6- ممكن ترشي السيرب عليها كلها في القالب ، او رشيه على كل شريحة في طبق التقديم.

وصفة ليالي لبنان.4
وصفة ليالي لبنان.4

مقالات متعلقه

طريقة عمل كيك الصفوف اللبنانية

طريقة عمل كيك الصفوف اللبنانية

وصفة التفاح الكريسبي مع الشوفان

وصفة التفاح الكريسبي مع الشوفان

كيكة شوكولاتة سهلة وسريعة بمكونين اتنين بس

كيكة شوكولاتة سهلة وسريعة بمكونين اتنين بس