تحدي اليوم الواحد لتوهج بشرتك قبل الفرح

ريهام محمود
ريهام محمود
في
بشرة
138

كلنا اكيد حابين تبقى بشرتنا صافية وخالية من العيوب ونضرة وكلها حيوية وشباب ، والنهاردة من خلال موضوعنا هنشارك معاكم بعض الماسكات المنزلية لبشرة جميلة في وقت قصير ، وفي الجزء الاخير من المقالة هنقولك بعض النصايح اللي تمشي عليها بعد استخدام الماسكات.

تحدي اليوم الواحد لتوهج بشرتك:

الماسك 1: للبشرة الجافة والعادية

هتحتاجي:

- 1 معلقة صغيرة لبن بودرة.

- ½ معلقة صغيرة عسل.

- 1 معلقة صغيرة ماء ورد.

اخلطي المكونات كلها لحد ما تحصلي على عجينة ناعمة ، وزعي العجينة على بشرتك بالتساوي ، واشطفيه بعد 20 دقيقة.

الماسك 2: للبشرة الدهنية

هتحتاجي:

- قشر برتقان مطحون.

- لبن رائب.

اخلطي كمية من قشر البرتقان المطحون مع اللبن الرايب لحد ما تكون عجينة سميكة ، وزعي الخليط على بشرتك وافركيه لمدة 5 دقايق على الاقل وبعدها اغسليه بالمايه ، المقشر ده هينورلك وشك بشكل فوري.

الماسك 3:

هتحتاجي:

- 2 معلقة صغيرة لبن بودرة.

- عصير خيار.

اخلطي اللبن البودرة مع كمية من عصير الخيار لحد ما تكون عجينة ناعمة ، ولشد البشرة ممكن تضيفي للخليط بياض بيضة ، وزعي الخليط على بشرتك بالتساوي ، سيبيه لمدة 30 دقيقة ، وبعدها اغسلي بشرتك بماية باردة.

تحدي اليوم الواحد لتوهج بشرتك.1
تحدي اليوم الواحد لتوهج بشرتك.1

نصايح بعد عمل الماسكات:

- ماتحطيش المكياج مباشرة بعد اي ماسك من الماسكات.

- للحصول على افضل النتايج ، اعملي الماسكات بالليل ، عشان بشرتك ماتتعرضش للشمس بعد الماسكات مباشرة.

- اتجنبي اي مكونات مش مناسبة لنوع بشرتك ، وفي حالة لو حسيتي بعدم راحة من اي مكون من المكونات اللي في الماسكات ، اشطفي بشرتك فورا.

- اشربي كمية كافية من الماية, العصاير, الشوربة ، السوائل عموما ، للحفاظ على بشرتك منتعشة ورطبة.

مقالات متعلقه

فوايد منقوع الزبيب الاسود للبشرة

فوايد منقوع الزبيب الاسود للبشرة

سيروم ليلي طبيعي لنضارة البشرة

سيروم ليلي طبيعي لنضارة البشرة

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي