طريقة عمل شوربة العدس بالبطاطس
شوربة العدس بالبطاطس ، هي وصفة صحية جدا مليانة بالخضروات ، ومشبعة ولذيذة جدا ، تابعي السطور الجاية واعرفي الطريقة بالخطوات.
شوربة العدس بالبطاطس:
المكونات:
- 1 بصلة صفرا متوسطة.
- 3 حبات جزر.
- 2 عود كرفس.
- 3 – 4 فصوص ثوم.
- 680 كيلو جرام بطاطس.
- 2 معلقة كبيرة زيت زيتون.
- 1 معلقة صغيرة خليط بهارات ايطالية.
- 1 معلقة صغيرة ملح.
- ½ معلقة صغيرة فلفل اسود.
- 400 جرام طماطم متقطعة.
- 6 كوبايات شوربة خضار او شوربة لحمة او فراخ (اي شوربة متوفرة).
- 1 كوباية عدس بني.
- روزماري, زعتر, بقدونس طازة للنكهة (وممكن تستخدميهم مجففين).
طريقة التحضير:
1- قطعي البطاطس مكعبات صغيرة, وقطعي البصل, وقطعي الجزر مكعبات صغيرة, والكرفس, والثوم, واغسلي العدس وصفيه.
2- في حلة على نار متوسطة لعالية ضيفي زيت الزيتون ، وضيفي له البصل, الكرفس, الجزر ، وقلبيهم مع بعض كام دقيقة.
3- ضيفي الثوم, البهارات (البهارات الايطالية والملح والفلفل الاسود) وقلبي لمدة دقيقة لحد ما ريحة التوابل تظهر.
4- ضيفي الطماطم المتقطعة مع شوية عصير طماطم ، والبطاطس, والعدس, والشوربة.
5- سيبي الشوربة لحد ما تغلي وبعدين قللي النار وغطيها ، سيبيها على النار لمدة 15 – 20 دقيقة او لحد ما البطاطس والجزر يستوا ، والعدس يستوي.
6- دوقيها وضيفي اي اعشاب او توابل اضافية حسب الرغبة ، وكده الشوربة تبقى جاهزة.
7- قدميها في الاطباق وحطي عليها من فوق الاعشاب الطازة.