5 علاجات طبيعية بتستخدمها كارينا كابور لبشرة نضرة وشباب
كارينا كابور من الفنانات المعروفين ببشرة جميلة ونضرة ، في المقال ده هنشارك معاكم 5 علاجات منزلية للعناية بالبشرة من روتين العناية ببشرتها ، والعلاجات اللي معانا النهاردة سهلة وكلها من مكونات طبيعية متوفرة في البيت.
علاجات منزلية للعناية بالبشرة:
1- وصفة الكركم واللبن:
المكونات:
- 1 معلقة كبيرة كركم مطحون.
- 1 معلقة كبيرة لبن.
طريقة التحضير والاستخدام:
اخلطي الكركم مع اللبن لتشكيل عجينة ، وزعي العجينة على بشرتك وسيبيها لمدة 15 دقيقة ، وبعدها اغسليها بماية فاترة.
فوايد الماسك: الكركم ليه خصائص مضادة للالتهابات بتساعد على تقليل الاحمرار والالتهاب ، اللبن غني بحمض اللاكتيك اللي بيساعد على تقشير خلايا الجلد الميتة وتنعيم وتفتيح البشرة.
2- وصفة دقيق الحمص واللبن الرايب:
المكونات:
- 1 معلقة كبيرة دقيق حمص.
- 1 معلقة كبيرة لبن رايب وممكن تستبدليه بالزبادي.
طريقة التحضير والاستخدام:
اخلطي دقيق الحمص واللبن الرايب لتشكيل عجينة ، وزعي العجينة على بشرتك وسيبيها لمدة 15 دقيقة ، وبعدها اغسليها بماية فاترة.
فوايد الماسك: دقيق الحمص هو عامل تقشير ممتاز بيساعد على ازالة خلايا الجلد الميتة وبينعم ويفتح البشرة ، واللبن الرايب غني بحمض اللاكتيك ويعتبر مرطب طبيعي للبشرة.
3- وصفة الصبار والعسل:
المكونات:
- جل الصبار.
- 1 معلقة كبيرة عسل.
طريقة التحضير والاستخدام:
هاتي ورقة صبار واستخرجي منها الجل واخلطيه مع العسل ، وزعي الخليط على البشرة وسيبيه لمدة 15 دقيقة ، وبعدين اغسليها بماية فاترة.
فوايد الماسك: الصبار معروف بخصائصه المهدئة والمرطبة ، العسل معروف خصائصه المضادة للبكتيريا والمضادة للالتهابات ، والمكونين مع بعض بيشكلوا علاج قوي وفعال للحصول على بشرة صافية ونضرة.
4- وصفة البابايا والعسل:
المكونات:
- 1 ثمرة بابايا ناضجة.
- 1 معلقة كبيرة عسل.
طريقة التحضير والاستخدام:
اهرسي البابايا واخلطيها مع العسل ، وزعي الخليط على بشرتك وسيبيه لمدة 15 دقيقة ، وبعدها اغسليها بماية فاترة.
فوايد الماسك: البابايا غنية بالانزيمات اللي بتساعد على تقشير خلايا الجلد الميتة وتنعيم البشرة وتفتيحها ، العسل معروف بخصائصه المضادة للبكتيريا والمضادة للالتهابات ، والاتنين مع بعض يعتبروا علاج قوي لنضارة البشرة.
5- وصفة الليمون والعسل:
المكونات:
- عصير ½ ليمونة.
- 1 معلقة كبيرة عسل.
طريقة التحضير والاستخدام:
اخلطي العسل والليمون مع بعض كويس ، وزعي الخليط على بشرتك وسيبيه لمدة 15 دقيقة ، وبعدها اغسليها بماية فاترة.
فوايد الماسك: الليمون غني بفيتامين سي المعروف بخصائصه المبيضة للبشرة ، والعسل زي ما قولنا هو معروف بخصائصه المضادة للبكتيريا والمضادة للالتهابات ، والاتنين مع بعض يعتبروا علاج قوي لتفتيح وتصفية البشرة.
