طريقة عمل كيك الصفوف اللبنانية

ريهام محمود
ريهام محمود
137

كيك الصفوف اللبنانية او كيكة الكركم ، من انواع الحلويات سهلة التحضير ، وكمان خالية من البيض والزبدة ، ومش بتحتاج مجهود ولا وقت في تحضيرها ، تابعي معانا السطور الجايه واتعرفي على طريقتها بالخطوات.

كيك الصفوف اللبنانية:

المكونات:

- 1 ½ كوباية دقيق سامولينا (دقيق سميد ناعم).

- ½ كوباية دقيق عادي.

- 1 معلقة كبيرة كركم مطحون.

- 1 كوباية سكر.

- 1 ½ معلقة صغيرة بيكنج بودر.

- ½ كوباية زيت نباتي.

- 1 كوباية لبن او ماية.

- حفنة من اللوز او الصنوبر للتزيين.

طريقة التحضير:

1- سخني الفرن على درجة حرارة 200 درجة مئوية ، هاتي صينية مقاس 9 في 9 بوصة وادهنيها بالزيت وحطي ورق زبدة.

2- في طبق كبير اخلطي دقيق السميد الناعم, الدقيق العادي, السكر, البيكنج بودر, الكركم ، امزجيهم مع بعض كويس باستخدام المضرب اليدوي الشبكي.

3- ضيفي الزيت, اللبن واخفقي كويس لحد ما المكونات كلها تمتزج تماما ، لو لقيتي الخليط سميك اوي بعد الخلط ، ممكن تضيفي كام معلقة لبن كمان بالتدريج لحد ما يبقى الخليط قوامة متوسط ولا سايل ولا سميك اوي.

كيك الصفوف اللبنانية.1
كيك الصفوف اللبنانية.1

4- صبي الخليط في الصينية وزينيه من فوق باللوز او الصنوبر او الاتنين مع بعض حسب المتوفر عندك.

5- دخليها الفرن لمدة 30 – 35 دقيقة لحد ما تستوي واللوز ياخد لون دهبي.

كيك الصفوف اللبنانية.2
كيك الصفوف اللبنانية.2

6- سيبيها تبرد تماما ، قبل ما تقطعيها.

7- قدميها مع الشاي او اي مشروب سخن.

للتخزين: اخفظيها في علبة محكمة الغلق ، هتقعد عندك لحد 7 ايام في درجة حرارة الغرفة ، او حوالي 10 ايام في التلاجة.

كيك الصفوف اللبنانية.3
كيك الصفوف اللبنانية.3

مقالات متعلقه

طريقة عمل وصفة ليالي لبنان

طريقة عمل وصفة ليالي لبنان

طريقة عمل التمرية النابلسية من اشهر الحلويات الفلسطينية

طريقة عمل التمرية النابلسية من اشهر الحلويات الفلسطينية

وصفة التفاح الكريسبي مع الشوفان

وصفة التفاح الكريسبي مع الشوفان