فتحي بشرتك باستخدام القهوة سريعة التحضير

ريهام محمود
ريهام محمود
في
بشرة
182

النهاردة من خلال موضوعنا هنشارك معاكم طريقة ماسك سهل جدا باستخدام القهوة سرية التحضير (النسكافية) ، واللي هيديكي نتايج فورية ، مش هياخد منك اكتر من دقيقتين في تحضيره ولكن فعال جدا في تفتيح البشرة ونضارتها في 15 دقيقة بس.

تفتيح البشرة بالقهوة سريعة التحضير:

المكونات:

- 1 معلقة كبيرة قهوة سريعة التحضير.

- 1 معلقة كبيرة كركم مطحون.

- 1 معلقة كبيرة زبادي.

طريقة التحضير والاستخدام:

1- في طبق امزجي كل المكونات مع بعض كويس.

2- قبل ما تحطي الماسك على بشرتك ، اغسلي بشرتك وعرضيها للبخار لمدة 5 دقايق.

3- دلوقتي وزعي الماسك على وشك ورقبتك.

4- سيبيه لمدة 10 دقايق ، وبعدها اغسليه بالماية العادية.

للحصول على افضل النتايج كرري الماسك المبيض ده مرة واحدة في الاسبوع ، والافضل تستخدميه بالليل واستخدمي بعده مرطب.

فوايد الماسك:

- القهوة والزبادي الموجودين في الماسك يعتبروا مقشر ممتاز للبشرة ، حمض الكافيين الموجود في القهوة ، واحماض الفا هيدروكسيل الموجودة في الزبادي ، بتساعد على ازالة الطبقة الميتة بلطف من بشرتك.

- وحمض الكافيين ، هو مضاد طبيعي للاكسدة ، وده بيساعد على تعزيز مستويات الكولاجين ، وهتحصلي على نضارة فورية لبشرتك.

تفتيح البشرة بالقهوة سريعة التحضير.1
تفتيح البشرة بالقهوة سريعة التحضير.1

مقالات متعلقه

فوايد منقوع الزبيب الاسود للبشرة

فوايد منقوع الزبيب الاسود للبشرة

سيروم ليلي طبيعي لنضارة البشرة

سيروم ليلي طبيعي لنضارة البشرة

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي