علاج بوتوكس طبيعي تعمليه في البيت بمكونات بسيطة

من غير تكاليف ولا مراكز تجميل تقدري تعملي بوتوكس طبيعي في البيت بمكونات موجودة في مطبخك ، والمكون الاساسي معانا هو الموز اللي يعتبر علاج قوي لمكافحة الشيخوخة ، غني بالعناصر الغذائية الاساسية زي البوتاسيوم, فيتامين ب 6, فيتامين سي, وفيتامين أ ، وبمزجه مع باقي المكونات هيدينا نتيجة فعالة جدا في ترطيب البشرة ونضارتها ، والتخلص من التجاعيد والخطوط الرفيعة ، تابعي معانا السطور الجايه واتعرفي على طريقة عمل بوتوكس طبيعي.

علاج بوتوكس طبيعي:

المكونات:

- 1 موزة مستوية.

- ½ معلقة صغيرة عسل.

- 1 معلقة صغيرة زبادي كامل الدسم.

- رشة كركم.

ملحوظة: للحصول على افضل النتايج ، اتأكدي من استخدام اجزاء متساوية من الموزة نفسها وقشرتها ، لان القشر بيحتوي على تركيز عالي من العناصر الغذائية.

طريقة التحضير والاستخدام:

1- قطعي القشرة قطع صغيرة ، واهرسي الموزة بالشوكة ، وامزجي معاها باقي المكونات لحد ما تحصلي على عجينة ناعمة.

2- حطي طبقة رقيقة من الماسك على بشرة نضيفة وسيبيه لمدة 10 دقايق.

3- بعد 10 دقايق ، اغسلي بشرتك بالماية الباردة ، ورطبيها بكريم مرطب مناسب.