طريقة طبيعية لتغطية الشعر الابيض بشكل فعال

لو بتعاني من الشيب المبكر ولاحظتي ان الشعر الابيض بيزيد ، يبقى موضوعنا النهاردة عشانك ، النهاردة هنشارك معاكم طريقة طبيعية لتغطية الشعر الابيض بشكل فعال.

طريقة طبيعية لتغطية الشعر الابيض:

المكون الرئيسي للوصفة بتاعتنا النهاردة هي بذور حبة البركة ، وهي مش بس مفيدة لعلاج الشيب ، لكن كمان ليها فوايد كتير للشعر هنعرفها مع بعض.

المكونات:

- 2 معلقة كبيرة من بذور حبة البركة.

- 1 معلقة كبيرة من جل الصبار.

- 1 معلقة كبيرة من زيت السمسم.

طريقة التحضير والاستخدام:

1- اول حاجة في طاسه على النار حمصي بذور حبة البركة لمدة 10 – 15 دقيقة.

2- بعد ما تحمصي البذور اطحنيها كويس.

3- ضيفي لحبة البركة المطحونة جل الصبار وزيت السمسم.

4- امزجيهم كويس مع بعض لحد ما يتكون عندك معجون بقوام مناسب.

5- خدي المعجون ده حطيه على الاماكن اللي فيها شعر ابيض ، وحطيه كمان على الاماكن اللي فيها فراغات في شعرك.

6- سيبيه على الشعر لمدة 45 دقيقة ، وبعدها اغسليه بالشامبو.

7- كرريها مرتين في الاسبوع لحد ما توصلي للنتيجة المطلوبة.

فوايد بذور حبة البركة للشعر:

- بتساعد على تحييد آثار الجذور الحرة اللي ممكن تسبب تلف الشعر ، وده بيأدي لتحسين جودة الشعر.

- في حالة الشعر الخشن والمجعد والجاف ، ممكن تستخدمي زيت حبة البركة لانه بيساعد على حفظ الرطوبة في خصلات الشعر.

- حبة البركة ممكن تساعد كمان على تقليل قشرة الراس لانها بتحتوي على خصائص مضادة للفطريات.

- تدليك فروة الراس بزيت حبة البركة ممكن يوفر الراحة من تهيج فروة الراس والحكة بسبب تأثير المضاد للالتهابات.

- الاستخدام المنتظم لبذور حبة البركة في العناية بالشعر ممكن انه يساعد في منع تساقط الشعر وبالتالي زيادة كثافة الشعر.