مكون واحد بس لمنع علامات الشيخوخة

ريهام محمود
ريهام محمود
في
بشرة
227

لو زهقتي من المنتجات اللي كلها مواد كيميائية لمعالجة ترهل وتجاعيد البشرة ، يبقى انتي في المكان الصح ، النهاردة هنشارك معاكم وصفة الاساس فيها هو مكون واحد مفيد جدا وهو الموز ، تابعي معانا السطور الجاية واتعرفي على الوصفة.

وصفة لمنع علامات الشيخوخة:

قشر الموز غني بكتير من الخصائص اللي ممكن تفيد صحة بشرتك ، الموز غني بكمية وفيرة من البوتاسيوم وبيحتوي كمان على فيتامين C, B6.

اضافة النشا كمان لقشر الموز هيزود من فاعلية الوصفة ، لان النشا بيحتوي على البروتين وبيساعد في تأخير علامات الشيخوخة ، وبيساعد على تعزيز الكولاجين ، الانسجة الداعمة للبشرة ، بالاضافة انه بيحتوي على الاحماض الامينية والمعادن وفيتامين أ ، كمان النشا بيساعد على امتصاص الزيوت الزيادة من الجلد وتقليل الزيوت ومنع البثور وحب الشباب ، ويعتبر مفيد بشكل خاص للبشرة المعرضة لحب الشباب.

وصفة لمنع علامات الشيخوخة.1
وصفة لمنع علامات الشيخوخة.1

لعمل الوصفة هتحتاجي:

- 1 قشرة موز.

- 1 معلقة كبيرة نشا.

- 1 معلقة كبيرة ارز.

- ½ معلقة صغيرة من عصير الليمون.

- 1 معلقة صغيرة حليب بودر.

طريقة التحضير:

1- هاتي قشرة موزة ، وقطعيها قطع صغيرة.

2- هاتي طاسة حطي لها كوباية ماية ، وضيفي لها قطع قشر الموز.

3- ضيفي الارز للماية وقشر الموز.

4- سيبي المكونات تغلي من 10 – 12 دقيقة.

5- بمجرد الغليان ارفعي الخليط وسيبيه على جنب.

6- بعد ما الخليط يبرد شوية انقليه للخلاط الكهربائي او المطحنة.

7- اطحني المكونات لحد ما تحصلي على خليط ناعم خالي من الكتل.

8- صفي الخليط للتخلص من اي كتل باقية.

9- انقلي الخليط في طبق وضيفي له النشا.

10- وبعدها ضيفي عصير الليمون.

11- اخلطي المكونات مع بعض كويس.

12- واخر حاجة ضيفي اللبن البودر وامزجي الخليط كويس.

13- انقلي الخليط لعلبة التخزين.

14- تقدري تستخدمي الماسك مباشرة على بشرتك ، او تخزنيه في التلاجة لحد ما تيجي تستخدميه ، ممكن يقعد معاكي لحد 7 ايام.

مقالات متعلقه

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي

اشربي كوباية واحدة من المشروب ده كل يوم لزيادة الكولاجين في الجسم والحصول على بشرة نضرة بشكل طبيعي

تحدي اليوم الواحد لتوهج بشرتك قبل الفرح

تحدي اليوم الواحد لتوهج بشرتك قبل الفرح

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة