افضل 8 اطعمة صحية للفطار والسحور في رمضان

ريهام محمود
ريهام محمود
في
صحة
159

شهر رمضان هو الوقت اللي محتاجة فيه تتأكدي من تلبية متطلباتك الغذائية بشكل سليم وصحي ، لاننا اثناء فترة النهار ، اجسامنا بتكون محتاجة للطاقة ، واللي هنقدر نحصل عليها بس عن طريق الاكل ، وده معناه ان تحقيق اقصى استفادة من وجباتك اثناء الفطار والسحور ، هيبقى امر اساسي للحفاظ على صيامك والتحكم في شهيتك مع توفير طاقة كافية عشان تمارسي نشاطك خلال اليوم اثناء الصيام ، وفي كتير من الاطعمة والمشروبات المختلفة المتاحة خلال شهر رمضان ، النهاردة هنشارك معاكم 8 اطعمة الافضل والاكتر تغذية ومثالية للفطار والسحور.

اطعمة صحية للسحور:

1- الشوفان:

الشوفان يعتبر اختيار مثالي للسحور ، وممكن يقدم فوايد كتير لصيامك ، الشوفان بيحتوي على نسبة عالية من الالياف ، وبياخد وقت على ما الجسم يهضمه وبالتالي هيخليكي تحسي بالشبع لفترة اطول ، بالاضافة انه مصدر جيد للكربوهيدرات لدعمك خلال يومك.

الشوفان ممكن يساعد كمان على تحسين الجهاز الهضمي بالاضافة لخفض ضغط الدم ، وممكن كمان تضيفي عليه فاكهة ومكسرات لوجبة سحور صحية.

2- البيض:

في السحور ضروري الحصول على مصدر جيد للبروتين ، ويعتبر البيض اختيار مثالي للسحور لانه خفيف ، وتقدري تعمليه بطرق كتير مختلفة وتضيفيه لاطباق تانية.

البيض بيحتوي كمان على العناصر الغذائية الاساسية زي فيتامينات B, D ، والمعادن زي الحديد والزنك.

3- الفاكهة:

حتى لو مش في رمضان ومش صيام ، الفاكهة تعتبر جزء اساسي من كل الانظمة الغذائيةالصحية ، وخصوصا بالنسبة للسحور ، الفاكهة ممكن تقطع معاكي شوط كبير قبل ما تبدأي الصيام مرة تانية.

الفواكه زي الموز, الفراولة, التوت, العنب, التفاح، ممكن تساعدك على الشعور بالشبع ، وتديكي دفعة من الطاقة من السكريات الطبيعية الموجودة في الفاكهة ، وتزود جسمك بالعناصر الغذائية الاساسية اللي بيحتاجها للاستمرار طول يومك من غير الشعور بالتعب اللي ممكن يحصل بسبب سوء التغذية.

4- الشوربة:

الشوربة تعتبر وجبة خفيفة ومريحة للمعدة والهضم ، بالاضافة انها بتوفر كمية كافية من السوائل لترطيبك قبل فترة الصيام.

تقدري تعملي الشوربة بحيث انها تشمل كل العناصر الغذائية الاساسية اللي محتاجة تضيفيها لنظامك الغذائي ، تعتبر مكونات زي شوربة اللحمة, العدس, الفاصوليا ، والاطعمة النشوية زي المكرونة والحبوب من المكونات المثالية لاضافتها للشوربة.

اطعمة صحية للفطار والسحور.2
اطعمة صحية للفطار والسحور.2

اطعمة صحية للفطار:

5- التمر:

في كل البيوت العربية التمر يعتبر اساسي للفطار خلال شهر رمضان ، التمر كان ومازال جزء اساسي من الصيام وعادة بيكون هو اول حاجة بناكلها عند الفطار.

التمر يعتبر مصدر رائع للسكريات الطبيعية لتجديد مستويات الطاقة في الجسم ، بالاضافة انه بيحتوي على كمية وفيرة من المعادن زي البوتاسيوم, المغنيسيوم, والنحاس ، وماتنسيش انه كمان مصدر كبير للالياف.

6- الخضار:

بالظبط زي ما اكل الفاكهة اساسي في السحور ، الخضار يعتبر جزء مهم من وجبات الفطار ، لانه بيحتوي على كتير من العناصر الغذائية الاساسية اللي ممكن تكون مش موجودة في الاطعمة التانية.

الخضار بالاضافة انه مصدر جيد للبروتين والكربوهيدرات ، كمان الخضروات بتحتوي على كمية وفيرة من المعادن, الالياف, السكريات الطبيعية, والفيتامينات.

الخضروات من الاطعمة الرائعة اللي ممكن تخلي رمضان كله اسهل بكتير بالنسبة لك ، وتعتبر الخضروات زي البروكلي, الكرفس, الجزر, البسلة, القرنبيط من الاختيارات المثالية لوجبة الفطار.

7- اللحوم:

بما ان معدتك لسه بتتكيف مع حقيقة انها مش بتتغذى بشكل متسق زي قبل رمضان ، اتأكدي من دمج اللحوم في وجبات فطارك طريقة بطيئة ومنضبطة.

اللحوم اثناء الفطار تعتبر اضافة حيوية ، لانها هتخليكي تحسي بالشبع ، بالاضافة انها بتزود الجسم بالبروتين والمعادن الاساسية اللي مش هتحصلي عليها من الاطعمة التانية.

8- الخبز:

مع اللحوم ، هتحتاجي مصدر للكربوهيدرات ، على الرغم من ان اللحوم والبروتين هتساعدك على الشعور بالشبع ، الا انه الكربوهيدرات هتضمن اكل وجبة متكاملة بتحتوي على كل العناصر الغذائية اللي هتغذي الجسم اثناء الصيام.

الخبز يعتبر مصدر مثالي للكربوهيدرات ، وبيزود الجسم بالالياف والمعادن بالاضافة للسكريات اللي بتساعد على تعزيز مستويات الطاقة والمزاج.

اطعمة صحية للفطار والسحور.1
اطعمة صحية للفطار والسحور.1

في النهاية في كتير من الاشخاص المختلفين عندهم اساليب صيام مختلفة ، ونوع الطعام اللي بتاكليه خلال شهر رمضان بيعتمد على عوامل كتير زي التفضيل الشخصي, الحالة الصحية والشخصية, والحالة البدنية.

ولو انتي مش متأكدة ايه النظام الغذائي اللي ممكن تمشي عليه خلال شهر رمضان ، او بتعاني من حساسية غذائية معينة ، او بتعاني من حالة صحية معينة ، ممكن تستشيري دكتور تغذية يحددلك الاطعمة والنظام الغذائي المناسب ليكي.

مقالات متعلقه

نصايح لصيام صحي في رمضان

نصايح لصيام صحي في رمضان

اخسري وزنك في رمضان مع 6 نصايح غذائية سهلة

اخسري وزنك في رمضان مع 6 نصايح غذائية سهلة

5 غلطات ممكن تسبب العطش اثناء الصيام .. وايه الاكلات اللي تتجنبيها عشان تمنعي العطش

5 غلطات ممكن تسبب العطش اثناء الصيام .. وايه الاكلات اللي تتجنبيها عشان تمنعي العطش