نصايح لصيام صحي في رمضان

ريهام محمود
ريهام محمود
في
صحة
163

لو بتحسي بأي تعب او ارهاق خلال الصيام في شهر رمضان ، في الحالة دي اعرفي انك ماشية على عادات غلط هي السبب في ده ، وعشان تصومي رمضان من غير اي تعب ويبقى بالنسبة لك زي اي يوم عادي ، تابعي معانا السطور الجايه واتعرفي على نصايح لصيام صحي.

نصايح لصيام صحي:

الصيام خلال شهر رمضان ممكن يسبب الجفاف للجسم ، لان الاكل والشرب بيقتصر بس على ما قبل شروق الشمس لحد الغروب ، بالاضافة كمان ان الصحيان لاكل فترة السحور ده ممكن يسبب حرمان من النوم بشكل كافي وده بدوره هيأدي للصداع والاحساس بالتعب والارهاق خلال اليوم.

ولكن انتي تقدري تصومي صيام صحي لو بتاكلي الاطعمة المناسبة بالكمية المناسبة ، والمشي على عادات صحية يومية.

- ماتفوتيش وجبة السحور ابدا:

زي ما بنقول دايما في الايام العادية "الفطار هو اهم وجبة في اليوم" ، ده بينطبق على السحور خلال شهر رمضان ، على الرغم ان تفويت وجبة السحور يعتبر مغري عند كتير من الاشخاص لان ده هيديهم فرصة لنوم متواصل ، الا اننا بننصحك انك ماتعمليش كده.

تخطي وجبة السحور هيأدي لاطالة فترة الصيام ، وجسمك محتاج للاعتماد على الوجبة السابقة لتزويدك بكل العناصر الغذائية والطاقة لحد وجبة (الفطار) ، وبسبب ساعات الصيام الطويلة من غير سحور في الغالب هتحسي بالجفاف والتعب خلال النهار ، بالاضافة كمان ان تخطي وجبة السحور هيشجع على الافراط في الاكل اثناء وجبة الفطار ، وده هيسبب زيادة غير صحية في الوزن.

- اتجنبي الافراط في الاكل اثناء وجبة الفطار:

زي ما بننصحك انك ماتتخطيش وجبة السحور ، كمان الافراط في الاكل اثناء وجبة الفطار ممكن انه يضر جسمك.

الفطار لازم يكون وجبة متوازنة ومغذية مش وليمة ، الافراط في الاكل والافراط في اكل الاطعمة الغنية بالدهون على وجه الخصوص ده هيأدي لعسر الهضم وزيادة الوزن ، عشان كده بننصحك انك تاكلي ببطء وتستمتعي بكل لقمة من اكلك وماتكليش لحد التخمه.

نصايح لصيام صحي
نصايح لصيام صحي

- اتجنبي اكل الاطعمة المقلية, المالحة, والاطعمة اللي بتحتوي على نسبة عالية من السكر:

كتير من الاشخاص بعد الفطار بيكتروا من الاطباق الغنية والدهنية والمقلية والسكريات ، في حين ان النوعية دي من الاطعمة ممكن تحسسك بالارتياح على المدى القصير بس ، الا انها هتخلي صيامك تاني يوم اكتر صعوبة.

وبصرف النظر عن زيادة الوزن غير الصحية اللي هتسببها الاطعمة دي ، اكل الاطعمة الدهنية والسكرية هيسبب لك الخمول والتعب اثناء اليوم ، بالاضافة كمان انك لازم تقللي من اكل الملح خصوصا اثناء السحور ، لان ده هيزود عليكي الاحساس بالعطش.

وبدل كده حاولي دمج الاطعمة من كل المجموعات الغذائية الرئيسية بما فيهم الفواكه, الخضروات, والارز وبدائله ، وكمان اللحوم وبدائلها ، كمان اكل الاطعمة الغنية بالالياف خلال شهر مضان يعتبر اختيار مثالي ، لانه بيتم هضمها بشكل ابطأ من الاطعمة المصنعة ، وبالتالي هتحسي بالشبع لفترة اطول.

- اشربي اكبر قدر من المايه:

شرب اكبر قدر من الماية بين وجبة الفطار والسحور ، هيقلل من خطر الجفاف اثناء الصيام.

احرصي على شرب ما لا يقل عن 8 كوبايات من السوائل يوميا قبل الفجر وبعد غروب الشمس ، والسوائل بتشمل العصاير, اللبن, المشروبات بشكل عام, الشوربات ولكن المايه هي الاختيار الافضل ، ومن الناحية المثالية كمان ، قللي من المشروبات اللي بتحتوي على الكافيين زي القهوة والشاي والمشروبات الغازية لان ليها تأثير مدر للبول وبتزود من فقدان سوائل الجسم.

في النهاية النظام الغذائي المتوازن هو مفتاح الصيام الصحي خلال شهر رمضان.

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

اخسري وزنك في رمضان مع 6 نصايح غذائية سهلة

اخسري وزنك في رمضان مع 6 نصايح غذائية سهلة

5 غلطات ممكن تسبب العطش اثناء الصيام .. وايه الاكلات اللي تتجنبيها عشان تمنعي العطش

5 غلطات ممكن تسبب العطش اثناء الصيام .. وايه الاكلات اللي تتجنبيها عشان تمنعي العطش