50 سؤال تسألهم لحبيبتك عشان تعرفها بشكل افضل

ريهام محمود
ريهام محمود
في
حب
257

الكلام مع المرأة هو فن ، لان المرأة بطبيعتها دايما مزاجها متقلب ومتغير ، ممكن تكون بتكلمها محادثة كاملة كويسة جدا وتيجي تسألها سؤال واحد ممكن يغير اتجاه المحادثة لاتجاه تاني تماما ، وعشان نساعدك في اتقان الحديث مع البنت اللي بتحبها عملنا قائمة شاملة متكونة من 100 سؤال عبارة عن مجموعة متنوعة من الاسئلة العامة والشخصية للحصول على محادثة مثالية معاها ، بعض الاسئلة مضحكة, بعضها مفيد, وبعضها هيظهر انك مهتم بيها وهي بالنسبة لك اكتر من صديقة ، وايا كانت الاسئلة خليك متأكد انك هتعرفها بشكل افضل.

50 سؤال تسألهم لحبيبتك:

اسئلة ممتعة:

- لو تقدري تكوني في اي مكان في العالم هتختاري اي مكان؟

- مين فنانك المفضل؟

- ايه الحيوان الاليف اللي بتحبيه؟

- ايه هي الوظيفة اللي كنتي هتتمني تشتغليها لو الفلوس مش مهمة؟

- لو ممكن يبقى عندك قدرة خارقة ، هتختاري ايه؟

- هل عندك اي هواية سرية ماحدش يعرف عنها حاجة؟

- لو كان في امكانك تكتبي كتاب عن اي حاجة ، هتختاري ايه؟

- ايه البرنامج التليفزيوني المفضل عندك؟

- بتحبي اي موسم من مواسم السنة اكتر وبتكوني مبسوطة فيه؟

اسئلة ممتعة
اسئلة ممتعة

اسئلة غزل:

- انتي شيفاني مجرد صديق ولا اكتر من كده؟

- ايه الذكرى اللي بينا مفضلة عندك؟

- ايه اكتر حاجة بتحبيها فيا؟

- في رأيك ايه اكتر حاجة بحبها فيكي؟

- ايه اكتر هدية جاتلك حبتيها؟

- ايه اكتر لفتة رومانسية تحبيها ممكن تتخيلي شخص يعملهالك؟

- هل بخليكي تحسي انك مميزة؟

- هل بتحبي نقضي وقت اكتر مع بعض؟

- ازاي دايما بتبقي حلوة جدا كده؟

- هل ممكن اعملك اي حاجة عشان اخلي يومك افضل؟

- هل بتحسي بنفس الكيميا بينا زي ما انا بحس؟

- ايه الاغنية اللي بتفكرك بينا؟

اسئلة غزل
اسئلة غزل

اسئلة شخصية:

- ايه هي طريقتك المفضلة للاسترخاء بعد يوم طويل؟

- ايه الهواية اللي بتحبي تمارسيها في وقت فراغك؟

- ايه هو كتابك المفضل؟

- ايه المسلسل او الفيلم المفضل ليكي؟

- هل بتفضلي اجازة نهاية الاسبوع المريحة ولا دايما بيكون عندك خطط للاجازة؟

- ايه الحاجة اللي بتعمليها في حياتك بتخليكي فخورة بنفسك؟

- ايه الحاجة اللي عايزة تحسنيها في حياتك؟

- ايه اهدافك الشخصية دلوقتي؟

- هل في حاجة حصلت في حياتك غيرتك؟

اسئلة شخصية
اسئلة شخصية

اسئلة عشوائية:

- ايه اكلتك المفضلة؟

- ايه اكتر اغنية دايما بتحبي تشغليها وتسمعيها باستمرار؟

- ايه اكتر حاجة تحبي تطبخيها لو عندك وقت فراغ؟

- بتحبي القهوة اكتر ولا الشاي؟

- بتحبي الحاجات المالحة اكتر ولا الحلويات؟

- ايه العادة اليومية اللي نادرا ممكن ماتعمليهاش في يومك؟

- ممكن توصفي شخصيتك او نفسك ازاي؟

- نوع الورد اللي بتحبيه؟

- هل بتحبي دايما تخرجي في المواسم والاعياد ولا بتفضلي تقضيه في البيت؟

- ايه هي قناتك المفضلة على اليوتيوب؟

اسئلة عشوائية
اسئلة عشوائية

اسئلة جادة؟

- ايه افضل نصيحة حد نصحك بيها على الاطلاق؟

- ايه نصيحتك رقم 1 لحياة سعيدة؟

- ايه اقوى صفة في شخصيتك.

- ايه هي الصفة الشخصية اللي بتحاولي تحسنيها في نفسك؟

- ايه الصفات اللي بتدوري عليها في الحبيب؟

- ايه هي لغة الحب عندك ، او طريقة التعبير عن الحب بالنسبة لك؟

- هل في حاجة مش عارفاها عني وحابه تسأليني عليها؟

- ازاي ممكن نحسن اسلوب التواصل بينا؟

- ايه هي لغة اعتذارك ، او الطريقة اللي بتفضليها للاعتذار؟

- بعد الخلاف ، ايه اللي ممكن يخليكي تحسي بتحسن؟

- ايه اكتر حاجة ندمانه عليها في حياتك؟

- ايه اللي نفسك تحققيه السنة الجايه؟

- ايه اكتر حاجة بتخوفك؟

- ازاي بتتعاملي مع العقبات والصعوبات في العلاقة؟

- هل تحبي انك تكوني الصديقة المفضلة لحبيبك مش بس حبيبته؟

اسئلة جادة
اسئلة جادة

مقالات متعلقه

ازاي تخلي شريكك يفتقدك ويقدرك اكتر

ازاي تخلي شريكك يفتقدك ويقدرك اكتر

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك

طرق بيعبر بيها عن حبه ليكي من غير ما يقول كلمة بحبك

طرق بيعبر بيها عن حبه ليكي من غير ما يقول كلمة بحبك