موضة الفستان المضلع لموسم الشتا
معظمنا تقريبا في موسم الشتا بنستبعد لبس الفساتين ، ولكن لو انتي حابه تلبسي فستان في الشتا ومش عارفة تنسقيه ازاي ، النهاردة هنشوف مع بعض موضة الفستان المضلع لموسم الشتا ، الفساتين المضلعة هي قطع ملابس متعددة الاستخدامات تقدري تلبسيها بطرق مختلفة وتنسقي معاها ملابس واكسسوارات مختلفة ، تابعي معانا المقال بتاعنا واستوحي افكار للوك بتاعك لتنسيق الفساتين المضلعة.
الفستان المضلع لموسم الشتا:
لان الفساتين المضلعة في الغالب بتكون ضيقة وواخدة شكل الجسم ، كتير من البنات بيخافوا يلبسوها عشان ماتظهرش عيوب الجسم ، ولكن احنا ننصحك تجربي تلبسي فستان مضلع على الاقل مرة واحدة لانه مريح جدا في اللبس ، وانتي تقدري تنسقيه بطرق مختلفة عشان يناسب جسمك ، سواء الموديل الطويل منه او القصير.
دوري في الفستان المضلع على الالوان الاساسية التلاتة: الاسود, الابيض, والنيود ، لانها بتكون احلى الالوان فيه ، وتقدري تنسقيه حسب اختيارك مع قطع تانية من دولابك.
من القطع اللي ممكن تنسقيها مع الفستان المضلع
- البالطو.
- الجاكيت الجينز.
- الجاكيت الجلد.
- الكارديجان القصير او الطويل.
- الجاكيت القصير.
- سويتر اوفرسايز.
- البليزر.
مجموعة افكار بالصور لتنسيق الفستان المضلع:
