8 تمارين للتخلص من التجاعيد للحصول على بشرة نضرة ومشدودة

ريهام محمود
ريهام محمود
في
بشرة
303

مع التقدم في العمر ، عضلات الوش تبقى اضعف وبينتهي الامر بمظهر مترهل ، وفي كتير بيتجهوا للحقن او للعمليات الجراحية لشد البشرة ، ولكن احنا بنشوف انه دايما من الافضل البحث عن حلول طبيعية ، زي يوجا الوجه ، لو مارستي التقنية دي بانتظام ، هتمنعي ظهور التجاعيد وبالتالي هتبطيء عملية الشيخوخة ، والنهاردة في بنات حوا هنشارك معاكم 8 تمارين للتخلص من التجاعيد للحفاظ على بشرة نضرة ومشدودة.

8 تمارين للتخلص من التجاعيد:

1- تمرين دفع اللسان للتخلص من الدقن المزدوجة (اللغد):

التمرين ده هيساعدك على تقوية العضلة المسطحة الموجودة في الجزء الامامي من رقبتك ، ميلي راسك للخلف واضغطي بلسانك ببطء على سقف الفم ، لو عملتي التمرين ده بشكل صحيح ، هتحسي بشد عضلات رقبتك ، رجعي راسك للوضع الطبيعي ، وكرري الحركة 10 مرات للحصول على افضل النتايج.

تمارين للتخلص من التجاعيد
تمارين للتخلص من التجاعيد

2- تمرين المعلقة لتقوية عضلات الوجه:

حطي ايد المعلقة بين شفايفك ، حوالي ترفعي المعلقة وتنزليها باستخدام عضلات الفك بس ، كرري الحركة دي اكتر من مرة ورا بعض ، وبعدها حاولي تبتسمي والمعلقة في الفم ، حافظي على الوضع ده لمدة 10 ثواني لرفع عضمتين الخد وتقوية عضلات رقبتك.

تمارين للتخلص من التجاعيد 2

3- تمرين رفع الحاجبين لتجاعيد الجبهة:

لما الجبهة بتبدأ تترهل ، الحواجب كمان تنخفض لتحت ، ولمنع ده ، حطي السبابة بين حواجبك وجفونك ، استخدمي عضلات جبهتك لرفع الحاجبين لاعلى مستوى ممكن مع سحب الجلد الموجود تحت الحاجبين لتحت بصوابعك في نفس الوقت ، كرري الحركة دي 10 مرات الصبح وبالليل ، حطي في اعتبارك ان الجلد اللي حوالين العين حساس ، وبالتالي ماتضغطيش عليه زيادة عن اللزوم.

تمارين للتخلص من التجاعيد 3

4- تمرين “V” لتقليل التجاعيد حوالين العين:

يعتبر من افضل التمارين لتقليل التجاعيد حوالين العين ، المسي طرف الحاجبين بالسبابة والصوابع الوسطى ، اضغطي شوية بالصوابع وشدي الحواجب لفوق ، بعدها بصي للسقف وارفعي الجفن السفلي ، كرري التمرين ده 7 مرات ورا بعض ، مرة واحدة في اليوم ، التمرين مش بس هيقلل التجاعيد ، لكن هيساعد كمان في التخلص من الانتفاخ حوالين العين.

تمارين للتخلص من التجاعيد 4

5- تمرين وجه المهرج لشد الوجه كله:

تمرين وجه المهرج ده يعتبر كأنك عملتي عملية تجميل عامه للوجه ، اول حاجة ابتسمي ابتسامة عريضة مع الحفاظ على الشفتين مع بعض ، شدي شفايفك الاتنين وادفعي دقنك لتحت بصوابعك وانتي قافلة الفم ، حافظي على الوضع ده لمدة 5 ثواني ، كرريه 10 مرات خلال اليوم وهتلاحظي الفرق.

تمارين للتخلص من التجاعيد 5

6- تمرين قبض الشفايف لشد الفك والجلد اللي حوالين الشفايف:

يعتبر تمرين تاني من التمارين الفعالة لتقوية عضلات الوجه ، لفي شفايفك على اسنانك السفلية والعلوية  ، دخلي المعلقة بين شفايفك واضغطي على الشفتين مع بعض ، حاولي سحب المعلقة لبره باستخدام ايديكي الاتنين ، حافظي على الوضع ده لمدة ثواني قبل ما ترجعي للوضع الطبيعي ، كرريه 4 مرات كمان لشد الفك والجلد اللي حوالين الشفايف.

تمارين للتخلص من التجاعيد 6

7- تمرين الابتسامة لشد الجلد في منطقة الخدين:

التمرين ده فعال جدا لمنطقة الخدود بشكل خاص ، افتح الفم شوية وغطي اسنانك بالشفتين الاتنين بحيث الاسنان تكون مخفية مش باينة ، بعدها ابتسمي ابتسامة عريضة على قد ما تقدري ، حطي الصوباع السبابة على دقنك وميلي راسك للخلف لفتح فكك ، وبعدها ارجعي للوضع الطبيعي ، كرري التمرين 7 مرات كل يوم ، التمرين ده هيساعدك على شد الجلد وخصوصا في منطقة الخدين.

تمارين للتخلص من التجاعيد 7

8- تمرين المعلقة لرفع الجزء السفلي من الوجه:

تمرين تاني باستخدام المعلقة هيساعدك على رفع الجزء من الوجه وشده وعكس مظهر “الفم الغائر” ، ميلي راسك للخلف ومدي شفايفك السفلية لقدام ، حطي المعلقة على شفتك السفلية وحاولي ترفعي الشفة دي بالمعلقة ، حافظي على الوضع ده لمدة ثواني وبعدها ارجعي للوضع الطبيعي ، كرري التمرين 5 مرات كل يوم لافضل النتايج.

تمارين للتخلص من التجاعيد 8

مقالات متعلقه

كريم الارز الكوري الطبيعي للتخلص من التجاعيد وتفتيح البشرة

كريم الارز الكوري الطبيعي للتخلص من التجاعيد وتفتيح البشرة

11 وصفة طبيعية للحصول على بشرة كريستالية صافية

11 وصفة طبيعية للحصول على بشرة كريستالية صافية

احصلي على بشرة نضرة في اسبوع: افضل الاطعمة لنضارة البشرة والاطعمة اللي تتجنبيها

احصلي على بشرة نضرة في اسبوع: افضل الاطعمة لنضارة البشرة والاطعمة اللي تتجنبيها