ستايلات الاحذية التريندي للموسم ده

ريهام محمود
ريهام محمود
179

ستايلات الاحذية التريندي للموسم ده كل موسم بتتغير اتجاهات الموضة ، والنهاردة من خلال موضوعنا هنشارك معاكم اكتر ستايلات الاحذية التريندي للموسم ده ، اللي ممكن تضيفيهم لدولابك السنة دي.

ستايلات الاحذية التريندي للموسم ده:

القايمة اللي معانا شاملة الاحذية اللي ممكن تلبسيها بشكل يومي ، ولو في ستايل مش موجود ده مش معناه بالضرورة انه قديم ، ممكن يكون مش جديد او مش تريندي اوي ، ولكن ممكن يتلبس الايام عادي مادام حالته كويسة ومناسب لستايلك الشخصي.

1- احذية البالية وماري جينس Ballet flat & Mary janes:

احذية البالية الفلات ده من الستايلات الموضة جدا الموسم ده ، وكمان ستايل ماري جينس اللي ممكن يبقى فلات او بكعب عالي.

2- الاحذية المدببة Pointy shoes:

الاحذية المدببة سواء الفلات او الكعب العالي تريندي للموسم ده ، وخصوصا الكعب العالي الصغير ال Kitten heels موضة جدا السنة دي ، وممكن تنسقيها مع كل ستايلات البنطلونات ، والجيبات والفساتين.

3- الاحذية الرياضية Soccer sneakers:

الستايل ده تم تصميمة في الاصل لكرة القدم ، وهو من الستايلات الموضة السنة دي.

ستايلات الاحذية التريندي للموسم ده 5

4- بوت بكعب رفيع Skinny-heeled boots:

البوت الطويل مع الكعب الرفيع من الستايلات الموضة اللي ممكن تنسقيها مع الفساتين والجيبات الطويلة ، كمان الانكل بوت من الستايلات الموضة اللي ممكن تنسقيها مع الجينز.

5- ستايل Chunky loafers:

الستايل ده مستمر معانا من الموسم اللي فات ، وبيكون مناسب جدا تلبسيه مع الجينز اللي رجله مستقيمة او اللي رجله واسعة ، والستايل ده لسه مستمر معانا كام سنة كمان.

ستايلات الاحذية التريندي للموسم ده 8

6- احذية بكعب خشب Clogs & Wood platform soles:

الستايل ده مش جديد بشكل خاص في الموسم ده ، ولكن ما زالت موضة بشكل قوي السنة دي لانها بتتناسب جدا مع الجينز اللي رجله واسعة ، وكمان لطيفة اوي مع الجيبات الجينز.

ستايلات الاحذية التريندي للموسم ده 9

7- الاحذية الميتاليك Metallics:

الميتاليك في الاحذية والشنط شعبيتها رجعت بقوة في الموسم ده.

مقالات متعلقه

الصنادل الموضة لموسم الصيف السنة دي

الصنادل الموضة لموسم الصيف السنة دي

افكار ستايلات مع الجينز برجل واسعة

افكار ستايلات مع الجينز برجل واسعة

مجموعة فساتين ناعمة للمناسبات

مجموعة فساتين ناعمة للمناسبات