ازاي تخلي شريكك يفتقدك ويقدرك اكتر

ريهام محمود
ريهام محمود
في
حب
447

العلاقة بين اي اتنين عشان تنجح وتكمل ، اكيد محتاجة عطاء من الطرفين ، ولكن الحقيقة ان في تفاصيل صغيرة ممكن تفرق جدا في علاقتك مع شريكك وتخليه يحبك ويقدرك اكتر ويبقى دايما مفتقدك ، والنهاردة من خلال المقال بتاعنا ، هنقولك ازاي تخلي شريكك يفتقدك ويقدرك اكتر.

ازاي تخلي شريكك يفتقدك ويقدرك اكتر:

1- سيبي ذكريات صغيرة من وجودك حواليه:

سيبي له رسالة، حاجة تخصك حلق او سكارف اي حاجة تخليه يفتكرك فورا اول ما يشوفها ، وده هينقلك للخطوة التانية وهي انه يفكر في الوقت اللي قضتوه سوا.

ازاي تخلي شريكك يفتقدك ويقدرك اكتر
ازاي تخلي شريكك يفتقدك ويقدرك اكتر

2- ماتبقيش متاحه طول الوقت:

ماتجريش تردي او ما يبعت رسالة او يتصل ، خليه يفكر شوية انتي فين ، الوقت اللي هيقضيه في انتظار ردك ، هو الوقت اللي مش هيقدر فيه يفكر في اي حاجة تانية غيرك.

ازاي تخلي شريكك يفتقدك ويقدرك اكتر 2

3- ماتتسرعيش في العلاقة:

خلي الامور تاخد مجراها ، ببطء ، ماتستعجليش في العلاقة ، ادي نفسك فرصة تكتشفوا بعض واحدة واحدة ، ده هيخلي الشغف موجود في العلاقة دايما وهيخليكي تستمعي بكل مرحلة فيها اكتر ، ولو لقيتي ان هو اللي متسرع في الامور ، ساعديه انه ياخد الامور بشكل ابطأ واهدى.

ازاي تخلي شريكك يفتقدك ويقدرك اكتر 3

4- خلي ليكي ريحة مميزة:

اختاري نوع برفيوم يكون رقيق بما فيه الكفاية بحيث انه مايلاحظهاش بوضوح وانتي موجودة في المكان ، ولكن قوية بما فيه الكفاية بحيث انه يفتقدها في غيابك.

الريحة والذاكرة مرتبطين بعض ارتباط قوي جدا ، ولما يفتقد ريحتك ، هيشتاق انه يكون معاكي مرة تانية.

ازاي تخلي شريكك يفتقدك ويقدرك اكتر 4

5- في بداية العلاقة ، لازم يكون في نوع من الغموض:

لو لعبتي بكل ورقك من اول يوم ، مش هيبقى عنده فضول انه يعرفك اكتر او يشوفك تاني لانه عرف كل حاجة من الاول ، لو عايزاه يبقى دايما متحمس بما فيه الكفاية انه يقضي وقت معاكي ، خلي شخصيتك فيها جزء من الغموض ، وادي تلميحات بسيطة بس ماتقوليش كل حاجة مرة واحدة.

ازاي تخلي شريكك يفتقدك ويقدرك اكتر 5

6- ماتخليهوش محور اهتمامك:

الرجالة دايما بيحبوا يكونوا هما محور الكون ، ولو عرف انك بتقضي وقت ممتع بره مع اصحابك ، هيحس بالقلق ، وبعدها هيبقى عايز انه يعيشك تجربة ممتعة اكتر من اللي عيشتيها مع اصحابك عشان يوصلك ان الوقت اللي تقضيه معاه هو افضل بكتير ، خليه يتنافس قي النقطة دي ، وانتوا الاتنين هتستمعوا من غير شك.

ازاي تخلي شريكك يفتقدك ويقدرك اكتر 6

7- قليل من الغيرة من وقت للتاني مش هيضر:

لو لسه في بداية العلاقة ، حاولي توصلي له بطريقة غير مباشرة ان انتي ليكي معجبين بيحاولوا يثيروا اهتمامك.

ازاي تخلي شريكك يفتقدك ويقدرك اكتر 7

8- اهتمي بمظهرك:

ادي وقت لمكياجك ولبسك ، واهتمي بمظهرك ، وخليه يحس وانتي معاه انه ماكنش هيلاقي واحدة افضل ولا احلى منك ، ويبقى مش عايز يسيبك ومشتاق يشوفك تاني لما تسيبيه.

ازاي تخلي شريكك يفتقدك ويقدرك اكتر 8

9- حسسيه انك مش دايما مستنياه:

خليكي يحس انك مش دايما مستنياه عشان يحط هو الخطط او انك معتمدة عليه بشكل كلي ، خليه يحس انك تقدري تعتمدي على نفسك ، وانك مش دايما مستنياه.

ازاي تخلي شريكك يفتقدك ويقدرك اكتر 9

مقالات متعلقه

50 سؤال تسألهم لحبيبتك عشان تعرفها بشكل افضل

50 سؤال تسألهم لحبيبتك عشان تعرفها بشكل افضل

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك

حركات وتصرفات هتخلي شريكك يحبك بشكل جنوني

حركات وتصرفات هتخلي شريكك يحبك بشكل جنوني