تمرين بسيط للتخلص من ترهل البطن في 3 اسابيع بس

ريهام محمود
ريهام محمود
522

اخصائية الوزن اليابانية “تاميو آريا” شاركت مع متباعينها تمرين سريع وفعال ممكن يحول بطنك المترهلة لبطن مسطحة ومشدودة في اسابيع قليلة ، والحيلة كلها بتعتمد في التركيز على شد وتمديد عضلات الضهر والمعدة ومنع تراكم دهون زيادة في المنطقة دي ، والنهاردة من خلال موضوعنا هنشارك معاكم خطوة بخطوة طريقة تمرين للتخلص من ترهل البطن ، والحصول على بطن مسطحة في فترة قصيرة.

تمرين للتخلص من ترهل البطن:

– الخطوة 1:

مهم وضروري تعملي احماء وتمدد قبل اي نوع من التمارين ، بعد الاحماء ، اقفي بشكل مستقيم ، مع وضع الذراعين على الوركين ، ممكن تقفي على بساط اليوجا او على السجادة عشان ما تأذيش رجلك.

تمرين للتخلص من ترهل البطن
تمرين للتخلص من ترهل البطن

– الخطوة 2:

حافظي على ايديكي على الوركين عشان تحافظي على توازنك وباعدي بين الساقين بمسافة اكبر من عرض الكتفين ، وكل قدم يبقى اتجاها لبره شوية.

تمرين للتخلص من ترهل البطن 2

– الخطوة 3:

حطي ايديكي على الركبتين وانزلي لتحت ، دلوقتي هتحسي ان عضلات الفخدين بتشتغل ومشدودة ، افتكري دايما انك تعملي كل حركة ببطء ودقة ، مع الاحساس ان عضلاتك مشدودة في نفس الوقت.

تمرين للتخلص من ترهل البطن 3

– الخطوة 4:

في الخطوة دي التمرين بيوصل للحركة الاساسية ، انحني لقدام ، مع تحويل كتفك اليمين للشمال ويكون اتجاهه لجوه ، وكتفك الشمال متجه لورا ، زي ما هو باين قدامنا في الصورة ، لازم تحسي بتمدد عضلات الفخدين وخصرك وضهرك ، اثبتي على الوضع ده لمدة 30 ثانية وبعدها ارجعي للوضع السابق.

تمرين للتخلص من ترهل البطن 4

– الخطوة 5:

وانتي في الوضع ده ، خدي نفس عميق قبل ما ترجعي تعملي التمرين للجنب التاني.

تمرين للتخلص من ترهل البطن 5

– الخطوة 6:

كرري الخطوة رقم 4 لكن في الاتجاه المعاكس ، حولي كتفك الشمال لليمين باتجاه جوه ، وكتفك اليمين متجه لورا.

تمرين للتخلص من ترهل البطن 6

للحصول على افضل النتايج ، اعملي التمرين على مجموعتين وكل مجموعة 10 مرات ، وماتنسيش انه هيكون من الافضل دايما ربط التمرين مع نظام غذائي صحي.

التمرين ده مش بس بيساعد على التخلص من ترهلات البطن والحصول على بطن مسطحة ، لكن كمان بيحسن مرونة الجسم ، بيريح الضهر ، بيشد عضلات المعدة والفخدين.

تمرين للتخلص من ترهل البطن 7

مقالات متعلقه

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

افضل تمارين للتخلص من دهون البطن والحصول على بطن مشدودة ومسطحة

افضل تمارين للتخلص من دهون البطن والحصول على بطن مشدودة ومسطحة