مشروب قوي لبشرة صافية وصحية ونضرة

ريهام محمود
ريهام محمود
في
بشرة
461

صحة ونضارة البشرة بتبدأ من جوه الجسم قبل بره ، والنهاردة معانا مشروب من اقوي المشروبات على الاطلاق اللي ممكن تساعدك على تجديد شباب بشرتك وتفتيحها والحفاظ عليها صحية وصافية ، تابعي معانا السطور الجاية واتعرفي على مشروب نضارة البشرة.

فوايد مكونات المشروب:

– الكركم:

الكركم يعتبر مرطب طبيعي للبشرة ، وممكن يساعد في الحفاظ على البشرة ناعمة ونضرة ويمنع جفاف الجلد ، كمان ليه خصائص مضادة للفطريات, البكتيريا, الالتهابات ، وكلها مفيدة للاشخاص اللي بيعانوا من حب الشباب.

بيساعد على شباب البشرة ، بيبطيء علامات الشيخوخة ، ممكن كمان انه يمنع الجلد من الشيخوخة المبكرة ، وبالنسبة للاشخاص اللي بيعانوا من التصبغ ، شرب ماية الكركم ممكن انها تساعد في تقليل ظهور البقع الغامقة على الجلد ومنع اسمرار الجلد.

مشروب نضارة البشرة
مشروب نضارة البشرة

– الجزر:

الجزر بيحتوي على مركب البيتا كاروتين اللي ممكن يساعد على تعزيز صحة الجلد ، وممكن كمان يساعد على حماية البشرة من اشعة الشمس فوق البنفسجية ، وممكن كمان يساعد في تقليل تلف الجلد وتحسين مظهره العام.

كمان بيحتوي على فيتامين V و مضادات الاكسدة اللي ممكن تساعد في اصلاح انسجة الجلد التالفة مع تفتيح وتحسين لون البشرة.

مشروب نضارة البشرة 2

– عنب الثعلب الهندي او الاملا:

بيحتوي على مستوى عالي من مضادات الاكسدة اللي ممكن تساعد على تأخير علامات الشيخوخة زي التجاعيد والخطوط الرفيعة ومنع الشيخوخة المبكرة لخلايا الجلد ، وممكن يساعد كمان على تقليل تصبغ الجلد وظهور البقع الغامقة.

كمان ممكن يساعد على تحسين لون البشرة وملمسها ومظهرها ، وده بدوره هيأدي لتعزيز توهج واشراق البشرة.

مشروب نضارة البشرة 3

طريقة مشروب نضارة البشرة:

المكونات:

– جزرة.

– جذر كركم طازة.

– عنب الثعلب الهندي.

– ماية.

– فلفل اسود (اختياري).

الطريقة:

1- اغسلي الجزر, جذر الكركم, العنب تحت ماية جارية كويس جدا ، وممكن كمان تنقعيهم في الماية لمدة 30 دقيقة قبل استخدامهم ، قطعي الجزرة, والعنب لقطع وسييهم على جنب ، وقشري جذر الكركم وقطعيه شرايح وسيبيه على جنب.

2- في الخلاط ضيفي الجزر, جذر الكركم, والعنب, الماية واضربيهم مع بعض كويس لحد ما يبقى عند مزيج سائل وناعم من غير اي كتل.

3- كده المشروب يبقى جاهز ، صبيه في كوباية وضيفي له شوية من الفلفل الاسود للنكهة وده اختياري ، وممكن كمان تحطي المشروب شوية في التلاجة لو عايزة تشريه بارد.

مشروب نضارة البشرة 4

مقالات متعلقه

روتين لتفتيح الجسم كله بمكونات طبيعية

روتين لتفتيح الجسم كله بمكونات طبيعية

احصلي على تفتيح فوري ونضارة للبشرة بكريم البنجر

احصلي على تفتيح فوري ونضارة للبشرة بكريم البنجر

كريم الارز الكوري الطبيعي للتخلص من التجاعيد وتفتيح البشرة

كريم الارز الكوري الطبيعي للتخلص من التجاعيد وتفتيح البشرة