6 خرافات عن العناية بالشعر بنفتكر انها صح ومفيدة

ريهام محمود
ريهام محمود
في
شعر
445

مع كمية المعلومات المتاحة عن عادات العناية بالشعر, والالوان الموضة, والتقنيات المفيدة ، من الصعب اننا نعرف ايه الصح وايه الغلط او الخيالي ، ممكن اللي كتير يفكروا انه مفيد يبقى غلط ، واللي كتير ما يعرفهوش يبقى صح ، والنهاردة من خلال موضوعنا هنشارك معاكم 6 خرافات عن العناية بالشعر.

خرافات عن العناية بالشعر:

1- الخروج بشعر مبلول ممكن يسبب لك برد:

خرافة كلنا ماشيين عليها تقريبا اننا لو غاسلين شعرنا مانخرجش بيه وهو مبلول لاننا ممكن نبرد ، لكن الحقيقة ان الخروج بشعر مبلول مش مؤثر ومش بيسبب المرض لان الامراض زي الحمى والكحة هي فيروسات ، ولكن احنا مش بننصح بالعادة دي لسبب واحد هي ان الشعر وهو مبلول بيكون معرض اكتر للتقصف.

خرافات عن العناية بالشعر
خرافات عن العناية بالشعر

2- نتف الشعر الابيض هيطلع لك شعر ابيض اكتر:

الشعر الابيض بيحصل بسبب قلة انتاج الميلانين للخلايا الصبغية داخل بصيلات الشعر ، وده في المقام الاول بيتأثر بالوراثة والهرمونات ، ولما بيتم نتف الشعر الابيض ، ده مالوش اي تأثير على اللي بيحصل تحت فروة راسك ، ولكن مع ذلك ممكن تتجنبيه لان الشد ده ممكن يأذي فروة الراس ، ولكن مش بيسبب الشعر الابيض.

خرافات عن العناية بالشعر 2

3- عند غسل الشعر بالشامبو, دلكي رغوة الشامبو واشطفيه وكرري الخطوة تاني:

ده مش صح ، لانك لما بتختاري الشامبو المناسب ، ده هيغذي شعرك وينضف فروة الراس بشكل فعال من مرة واحدة ، لان الافراط في غسل الشعر بالشامبو هيأدي لجفاف خصلات الشعر ويخليه هايش ، بننصح تستخدمي الشامبو مرتين في حالة بس انك عاملة ماسك او حمام زيت للشعر.

خرافات عن العناية بالشعر 3

4- حلق الشعر بيحل مشاكل فروة الراس:

كتير من الاشخاص لما بيحصلهم التهابات فروة الراس زي القشرة او حشرات الشعر ، بيحلقوا شعرهم او بيقصوه على امل ان ده هيأدي لوقف المشكلة ، ولكن في الحالات دي العدوى بتستمر في التأثير على فروة الراس ، وبغض النظر عن طول شعرك ، الحل هو انك تختاري العلاجات المناسبة للعناية بالشعر.

خرافات عن العناية بالشعر 4

5- تمشيط الشعر 100 مرة للحصول على خصلات ناعمة:

ممكن تكوني سمعتي المعلومة دي في اي مكان ان تمرير المشط 100 مرة في الشعر مفيد ، ولكن ده مش صح بأي حال من الاحوال ، لان الافراط في تمشيط الشعر مش بس هيسبب تساقطه ولكن كمان هيأدي لتكسر وهيشان الشعر ، بدل ده ، كل اللي هتعمليه بس انك تسرحيه بالفرشة بالطريقة المعتادة واستخدمي سيروم شعر مناسب للحصول على شعر بيلمع.

خرافات عن العناية بالشعر 5

6- الشعر الدهني مش بيحتاج بلسم:

كتير بيفكروا ان البلسم السميك اللزج ممكن يخلي الشعر دهني زيادة ، ولكن ده مش صح ، مع الشعر الدهني ، كل اللي المفروض تعمليه انك تعالجي منطقة فروة الراس الدهنية بشكل مختلف وباقي طول الشعر اتعاملي معاه بالطريقة العادية ، لان البلسم هيغذي حتى الشعر الدهني ، بس اتأكدي انك ما تحطيش اي بلسم على فروة الراس.

خرافات عن العناية بالشعر 6

مقالات متعلقه

مشروب الكولاجين الطبيعي لجمال البشرة والشعر والاظافر

مشروب الكولاجين الطبيعي لجمال البشرة والشعر والاظافر

علاجات منزلية لاصلاح الشعر التالف

علاجات منزلية لاصلاح الشعر التالف

ازاي تعتني بشعرك في ايام الرطوبة؟

ازاي تعتني بشعرك في ايام الرطوبة؟