7 حيل مكياج محتاجة تعرفيهم هتحسن مكياجك

ريهام محمود
ريهام محمود
في
مكياج
597

مافيش احلى من ان مكياجك يبقى ناعم ومثالي ، ولكن لسوء الحظ اننا دايما مش بنبقى راضيين عن مكياجنا ودايما بنحس ان في حاجة غلط او مش مظبوطة ، عشان كده النهاردة هنشارك معاكم 7 حيل مكياج ، ممكن تكوني عارفة بعضها بالفعل ، وبعضها جديدة عليكي ، تابعي معانا السطور الجاية واتعرفي عليهم.

حيل مكياج:

1- للحصول على اساس مثالي وناعم:

لو عايزة بشرة مضيئة وخالية من العيوب كأنك حاطه فلتر ، لازم تمشي على الخطوات الصح لاساس مكياجك ، اول حاجة اتأكدي من استخدام البرايمر عشان تطفي المناطق الدهنية على بشرتك خصوصا منطقة التي زون ، بعدها حطي كمية من كريم الاساس على البيوتي بلندر ووزعيها على بشرتك ، الدمج اهم حاجة عشان  تعملي قاعدة لمكياجك ناعمة ومتساوية وخالية من العيوب ، وممكن تحطي كمية اضافية على منطقة التي زون.

لو عندك اي عيوب او احمرار او حب شباب ، استخدمي مصحح الوان ، وحطي كونسيلر على البقع  فوق كريم الاساس ، باستخدام فرشة ، وثبتي كل ده ببودرة التثبيت عشان المكياج يدوم معاكي طول اليوم.

حيل مكياج
حيل مكياج

2- رفع العيون المقلوبة:

عشان ترفعي العين وتديها وسع ، تخيلي خط غير مرئي من النقطة الخارجية لحاجبك لحد خط شعرك ، دلوقتي تخيلي خط تاني غير مرئي من الزاوية الخارجية لرموشك السفلية لفوق ، النقطة اللي بيلتقي فيها الخطين الوهميين دول هي المكان المثالي اللي هيتجه ليها خط الايلاينر بتاعك ، افتكري دايما انك ماتحطيش الايلاينر جوه العين ، بما فيهم خط الرموش ، لان اللوك هيطلع حاد اوي.

حيل مكياج 2

3- للحصول على شفايف ممتلئة:

استخدمي قلم تحديد الشفايف يكون اقرب لون للون شفايفك الطبيعية ، لما تيجي ترسمي ارسمي بره حدود الشفايف شوية ولكن بشكل مش مبالغ فيه ، وباستخدام الفرشة ادمجي الجزء الداخلي من الخط اللي رسمتيه.

دلوقتي بلون اغمق من قلم تحديد الشفايف اللي استخدمتيه ، ارسمي بس على الزوايا الخارجية لشفايفك ، ده هيساعد ان الشفايف تبان ممتلئة اكتر ، انهي الخطوات بوضع الهايلايتر على قوس كيوبيد وعلى نص شفايفك السفلية.

حيل مكياج 3

4- تغطية الهالات السودا:

اول حاجة حطي برايمر على منطقة تحت العين ووزعيه بصوابعك ، بعدها حطي كونسيلر افتح بدرجة واحدة من لون كريم الاساس اللي انتي حطاه ، ادمجي الكونسيلر كويس ، وبعدها ثبتي بالبودرة باستخدام الفرشة ، اخر حاجة حطي كمية بسيطة من الهايلايتر على خط عضمة الخدين ، اسفل الهالات تحت العين مباشرة.

حيل مكياج 4

5- للحصول على رموش طويلة:

حطي الايلاينر الاسود تحت وفوق خط الماء على خطين الرموش العلوية والسفلية ، وافتكري انك تركزي على الزوايا الخارجية لعينك ، حطي الطبقة الاولى من الماسكارا باستخدام الفرشة من جذور الرموش واطلعي لفوق في حركة زجزاج على الرموش ، كرري نفس الحركة وانتي بتحطي طبقة الماسكارا التانية ، وحطي الطبقة النهائية على اطراف الرموش بس.

نصيحة احترافية: اتجنبي اي كتل من الماسكارا باستخدام مشط صغير لتمشيط رموشك.

حيل مكياج 5

6- خلي عينيكي تبان اكبر:

اول حاجة لازم تفتكريها انك تستخدمي برايمر العيون لو عايزة الايشادو يدوم معاكي طول اليوم ، دلوقتي استخدمي لون ايشادو فاتح تحت الحاجبين مباشرة, وفوق جفونك, وعلى التنية الداخلية للعين ، بعدها استخدمي لون اغمق ودافي اكتر على تنية الجفن ، ده هيعمل عمق للعين ، وهيخلي عينيكي تبان اكبر ، دلوقتي اختاريدرجة ايشادو متوسطة وحطيها على تنية الجفن وتحت خطوط رموش الجفن السفلي مباشرة ، ولما تيجي تحطي الماسكارا ، افتكري دايما انك تخلي رموشك بزاوية شوية ناحية بره.

حيل مكياج 6

7- تكنيك العيون المجنحة:

ارسمي قاعدة الايلاينر باستخدام قلم ، اتأكدي ان الخط رفيع وقريب من خط الرموش بقدر الامكان ، دلوقتي باستخدم فرشة الدمج ، ادمجي الخط اللي رسمتيه وخليه smudge شوية ، بمجرد وصولك للنقطة اللي هترسمي فيها الجناح ، امسكي ورقة او كارت وحطي الحرف بتاعه على الزاوية الخارجية لعينيكي ، عشان ده يبقى الخط اللي هيرشدك لرسم الجناح بشكل مظبوط ، ارسمي الخط بتاعك بالايلاينر الاسود ، وباستخدام فرشة دمج ادمجيه لبره.

حيل مكياج 7

مقالات متعلقه

11 طريقة مختلفة لوضع الايلاينر الابيض

11 طريقة مختلفة لوضع الايلاينر الابيض

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم