افكار سناكس صحية لقبل وبعد التمرين

ريهام محمود
ريهام محمود
422

لو انتي مش متأكدة تاكلي ايه قبل التمرين وبعده ، يبقى موضوعنا النهاردة ليكي ، هنقولك افكار سناكس صحية لقبل وبعد التمرين ، تابعي معانا السطور الجايه.

افكار سناكس صحية لقبل وبعد التمرين:

اللي بتاكليه قبل او بعد التمرين ممكن يبقى ليه تأثير كبير على ادائك في الجيم بالاضافة للنتايج من التمرين ، عشان كده لازم تكوني عارفة تاكلي ايه قبل وبعد التمارين ، لان مافيش طريقة تقدري من خلالها توصلي لجسم مناسب من غير الوجبات المناسبة ، خصوصا الوجبات اللي بتكون قبل التمرين وبعده مباشرة.

بالنسبة للمبتدئين ، تخيلي كده انك بتجري وبتمارسي رياضة على معدة فاضية ، هتبدأي تحسي بالتعب والضعف بسرعة ، وده هيخلي ادائك ينخفض في التمرين وهتتعبي بسرعة.

لما تبدأي التمرين على معدة شبه فاضية ، هيتم استخدام مخزون الطاقة اللي عندك بسرعة ، وبمجرد استخدمها بالكامل ، جسمك هيتحول لعضلاتك كمصدر تاني للطاقة وكتلة العضلات اللي هتقل ، ولو ماكلتيش بعد التمرين انتي بكده مش بتعوضي الاملاح والمواد المغذية اللي جسمك فقدها اثناء التمرين ، وبالتالي التغذية السليمة ضرورية للتعافي بعد اي تمرين لان العضلات بتحتاج للوقت والمواد المغذية لاعادء بناء نفسها واصلاحها.

بننصحك تختاري وجبة غنية بالكربوهيدرات بطيئة الهضم قبل التمرين وتشمل الفواكه وبعض البروتينات كمان ، وبعد التمرين حاولي تدي جسمك بروتينات اكتر ، ونصيحة تانية لتجديد الالكتروليتات المفقودة هي شرب بعض عصاير الفاكهة الطازة, الماية, عصير الليمون, ماية الديتوكس.

افكار سناكس صحية لقبل وبعد التمرين
افكار سناكس صحية لقبل وبعد التمرين

افكار وجبات خفيفة قبل التمرين:

الوجبة الخفيفة اللي قبل التمرين المفروض تكون غنية بالكربوهيدرات بطيئة الهضم ، ممكن تاكلي موزة, مزيج من المكسرات, البذور, الفواكه المجففة ، او تاكلي افوكادو توست مع بيض لو معندكيش وقت ، وممكن تجربي بعض الوجبات الخفيفة دي قبل التمرين.

– تفاح بزبدة الفول السوداني: قطعي التفاح وحطي فوقيه زبدة الفول السوداني ، ورشي عليه من فوق البذور زي بذور الشيا وبذور الكتان.

افكار سناكس صحية لقبل وبعد التمرين 2

– الشوفان بالفواكه: قبل التمرين ابدأي بطبق من الشوفان الغني بالالياف واي فاكهة ، مع المزيج ده جسمك هيهضم الكربوهيدرات بشكل ابطأ واكتر كفاءة والحفاظ على مستويات السكر بشكل ثابت ، وهتحسي بالنشاط لفترة اطول ، ضيفي لهم شوية من اللبن قليل الدسم للحصول على البروتين والكالسيوم.

افكار سناكس صحية لقبل وبعد التمرين 3

– عصير الفاكهة والزبادي: العصاير هي اسهل حاجة ممكن تعمليها ، بالاضافة ان بيتم هضمها بسهولة ، ومش بتخليكي تحسي بالخمول اثناء التمرين ، اخلطي بعض الزبادي مع اي فاكهة من اختيارك زي الفراولة, التوت, التوت الازرق, وغيرها من الفواكه ، اخلطيها مع الماية او التلج عشان تحافظي على رطوبتك.

افكار سناكس صحية لقبل وبعد التمرين 4

افكار وجبات خفيفة بعد التمرين:

– حليب الشوكولاتة: المشروب ده مثالي لاعادة شحن عضلاتك بالطاقة واعادة بنائها ، لان حليب الشوكولاتة بيحتوي على 90% من الماية ، فهو هيحل محل السوايل والالكتروليتات المفقودة اثناء التمرين.

افكار سناكس صحية لقبل وبعد التمرين 5

– الزبادي اليوناني والفواكه: كوباية من الزبادي اليوناني مع الفاكهة هيوفرلك الكربوهيدرات اللازمة لزيادة الطاقة ، بالاضافة انه هيساعد كمان على شفاء التهاب العضلات الناتج عن التمرين.

افكار سناكس صحية لقبل وبعد التمرين 6

– العصير الاخضر: معروف ان العصير الاخضر الغني بالبروتين بيساعد في تعويض الالكتروليتات المفقودة اثناء التمرين وبيوفر البروتينات المطلوبة ،  اضربي عصيرك الاخضر بمزج السبانخ, حليب اللوز او حليب عادي قليل الدسم, الزبادي اليوناني وشوية من التوت او اي نوع فاكهة تختاريه مع بذور الشيا ، اشربي المشروب ده بعد التمرين لزيادة طاقة جسمك.

افكار سناكس صحية لقبل وبعد التمرين 7

مقالات متعلقه

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

مشروب بذور الشيا لانقاص الوزن بسرعة

مشروب بذور الشيا لانقاص الوزن بسرعة

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك