6 طرق بسيطة هتزود تقديرك لنفسك اكتر

ريهام محمود
ريهام محمود
500

في العالم السريع اللي احنا عايشين فيه ، من السهل جدا انك تنغمسي في مطالب وتوقعات اللي حواليكي ، وبننسى ندي الاولوية لراحتنا وبنفشل في تقدير نفسنا ، لكن مهم جدا اننا نعترف بقيمة نفسنا ونمارس الرعاية الذاتية عشان نعيش حياة افضل ومرضية ، والنهاردة من خلال موضوعنا هنشارك معاكم 6 طرق هتزود تقديرك لنفسك ، وهتعزز صورة ذاتية ايجابية عن نفسك.

طرق هتزود تقديرك لنفسك:

1- اعرفي قيمة نفسك:

الخطوة الاولى عشان تقدري نفسك اكتر هي انك تعرفي قيمة نفسك ، مهم انك تعترفي بنقط قوتك وانجازاتك ونجاحاتك ، سواء كانت كبيرة او صغيرة ، اقفي لحظة مع نفسك وفكري في انجازاتك ومواهبك والاثر الايجابي اللي سيبتيه على اللي حواليكي ، افتكري الصفات اللي بتخليكي مميزة وقدري الاضافة اللي بتضيفيها للعالم حتى لو بسيطة ، التعاطف مع نفسك هيخليكي متفهمة ولطيفة اتجاه نفسك ، وهيساعدك تتسامحي مع عيوبك.

طرق هتزود تقديرك لنفسك
طرق هتزود تقديرك لنفسك

2- اعطاء الاولوية للرعاية الذاتية:

الرعاية الذاتية ضرورية لتقدير نفسك والحفاظ على عقلية صحية ، خلي من اولوياتك انك تخصصي وقت لنفسك بانتظام ، ممكن تعملي انشطة تخليكي مبسوطة ، زي الهوايات المختلفة, القراءة, تقضية الوقت في الطبيعية ، الرعاية الذاتية كمان بتشمل انك تحطي حدود لنفسك وتتعلمي تقولي لا عند الضرورة ، من خلال احترام احتياجاتك الخاصة, الاهتمام بصحتك الجسدية والعقلية والعاطفية ، ده يبعت رسالة قوية بأنك بتقدري نفسك.

طرق هتزود تقديرك لنفسك 2

3- الحديث الذاتي الايجابي:

الطريقة اللي بنتكلم بيها مع نفسنا بتأثر علينا بشكل كبير وعلى معرفتنا لذاتنا ، لتقدير نفسك اكتر مهم انك تتحدي الافكار السلبية وتستبدليها بتأكيدات ايجابية ، مجرد ما تشكي في قيمة نفسك ، فكري نفسك على طول بقدراتك وقيمتك ، حاوطي نفسك بالتاثيرات الايجابية ، سواء من خلال الكتب, المدونات الصوتية الملهمة, او الاصدقاء والعيلة الداعمين ليكي ، من خلال الانغماس في الايجابية ، تقدري تحولي عقليتك في اتجاه حب نفسك وتقديرها.

طرق هتزود تقديرك لنفسك 3

4- تحديد وتحقيق الاهداف الشخصية:

تحديد الاهداف الشخصية ممكن تساهم بشكل كبير في تقدير نفسك بشكل اكبر ، خدي وقتك لتحديد اهدافك وتطلعاتك ، على المدى القصير والطويل ، وقسميها لخطوات تقدري تتحكمي فيها ، عشان يبقى سهل عليكي تحقيقها ، واثتاء تقدمك ناحية اهدافك ، احتفلي بانجازاتك على طول الطريق ، من خلال تحديد الاهداف الشخصية وتحقيقها ، انتي بتثبتي انك بتؤمني بنفسك وبقدرتك على خلق حياة مرضية لنفسك.

طرق هتزود تقديرك لنفسك 4

5- تكوين علاقات صحية:

العلاقات في حياتنا بتلعب دور مهم في تقديرنا لنفسنا ، انك تحاوطي نفسك بأشخاص داعمين ممكن يبقى ليه تأثير عميق على معرفة قيمة نفسك ، دوري على علاقات مع اشخاص يقدروكي ويشجعوكي ويقدروا قيمتك ، بالاضافة لده ، ضروري انك تحافظي على الحدود في العلاقات ، اتعلمي انك تأكدي على نفسك وتوصلي احتياجاتك بشكل فعال ، من خلال ده ، انتي بتكوني ديناميكية صحية بيتم فيها احترام قيمتك وتقدير نفسك.

طرق هتزود تقديرك لنفسك 5

6- التأمل الذاتي:

التأمل الذاتي اداة قوية للنمو الشخصي وتقدير نفسك اكتر ، خدي وقتك للتأمل في اللي انتي حققتيه والتعلم من تجاربك ، اعرفي انتي حققتي ايه وطورتي نفسك في ايه واحتفلي بتقدمك ، اتبني دايما عقلية النمو اللي تشجعك على التحسين والتطوير بشكل مستمر ، دايما اشكري ربنا على الفرص والدروس اللي الحياة بتقدمهالك ، وتقدير الرحلة والشخص اللي انتي بقيتي عليه.

طرق هتزود تقديرك لنفسك 6

دليل العناية الذاتية الكامل.. ازاي تاخدي بالك من نفسك؟ 

دليل العناية الذاتية الكامل.. ازاي تاخدي بالك من نفسك؟
دليل العناية الذاتية الكامل.. ازاي تاخدي بالك من نفسك؟

مقالات متعلقه

ازاي تبطلي قلق عن رأي الناس فيكي

ازاي تبطلي قلق عن رأي الناس فيكي

فن السعادة لوحدك: ازاي تبقي سعيدة وانتي لوحدك

فن السعادة لوحدك: ازاي تبقي سعيدة وانتي لوحدك

3 حاجات بطلي تعمليهم في حياتك تماما

3 حاجات بطلي تعمليهم في حياتك تماما