خدعة فعالة بالآيلاينر ترفعي بيها الجفون المترهلة في 3 ثواني

ريهام محمود
ريهام محمود
في
مكياج
626

هل سبق ولاحظتي ان نصين الوش مش متماثلين بالظبط؟ مافيش حد فينا وشه متماثل تماما ، وبالتالي من الطبيعي جدا ان العيون تكون بأحجام مختلفة وبينهم فرق بسيط ، خصوصا الصبح على سبيل المثال ده بيبان جدا هتلاقي ان في جفن مترهل اكتر من التاني ، والنوم على جنب واحد اغلب الوقت بيزود المشكلة اكتر كمان ، ولكن احيانا ده بيكون بسبب التقدم في السن ، الجلد بيبدأ يفقد مرونته ويترهل ، لو عايزة تتخلصي من الترهل ده وترفعي جفونك بطريقة بسيطة وسريعة ، النهاردة هنشارك معاكم خدعة ايلاينر لرفع الجفون المترهلة وتحديد العيون.

خدعة الايلاينر لرفع الجفون المترهلة:

الطريقة دي اسمها “مكياج العيون التصحيحي” ، لانه بيصلح شكل العين والجفون وبيخليها متماثلة وبيديها تأثير انها مرفوعة ، والطريقة دي بتعتمدها على طول الممثلة العالمية درو باريمور لرفع جفونها.

خدعة الايلاينر لرفع الجفون المترهلة
خدعة الايلاينر لرفع الجفون المترهلة

كل اللي هتحتاجيه قلم كحل بني او اسود او ايلاينر.

ارسمي بالكحل خط على الخط المائي العلوي لعينيكي ، ومهم جدا انك تتأكدي انك تفضلي على خط الماية للعين وما تخرجيش عنه عشان الخدعة تطلع بشكل صح ، ولو رمشتي والكحل نزل على خط الماء السفلي بكل بساطة نضفيه بقطعة قطن.

اكيد الكحل او الايلاينر المضاد للماية هيكون افضل اختيار للخدعة دي.

مع الخدعة البسيطة دي هتقدري تفتحي العين وتديها وسع وتطابقيها مع العين التانية عشان يبقوا متماثلين.

خدعة الايلاينر لرفع الجفون المترهلة 2

الطريقة بالفيديو:

مقالات متعلقه

ازاي تحطي الروج الغامق زي المحترفين للوك مكياج مثالي

ازاي تحطي الروج الغامق زي المحترفين للوك مكياج مثالي

5 اوقات تستغني فيهم عن كريم الاساس وتستخدمي بداله BB كريم

5 اوقات تستغني فيهم عن كريم الاساس وتستخدمي بداله BB كريم

7 حيل مكياج محتاجة تعرفيهم هتحسن مكياجك

7 حيل مكياج محتاجة تعرفيهم هتحسن مكياجك