اكتر 10 ستايلات سلايدز Slides تريندي للصيف
الصيف هو انسب موسم للحاجات المفتوحة والمريحة المناسبة للجو والخروجات الصيفية والبحر ، والنهاردة من خلال موضوعنا هنشارك معاكم اكتر ستايلات Slides تريندي للصيف السنة دي.
ستايلات Slides تريندي للصيف:
1- السلايدز القش Tasseled Straw slides:
خامة القش تعتبر رسميا من اكتر الخامات العصرية للصيف ، وهتكون اضافة مثالية لمجموعة الاحذية بتاعتك في الصيف ، والستايل ده بيكون هاند ميد ومتين جدا ، والستايل اللي بيكون مغطي صوابع الرجل تريندي السنة دي ، ومثالي جدا للاسترخاء او للتمشية.
2- السلايدز الفيونكة Bow strap slides:
الستايل الفيونكة من الستايلات المميزة جدا للصيف ، ومريح جدا في اللبس ، ومناسب جدا تلبسيه لخروجاتك الصبح او خروج بالليل وعزومة عشا لانه شكله انيق جدا ، والحزام بتاع الفيونكة بيعمل دعم للسلايد على الرجل وبيثبته اثناء المشي.
3- السلايدز الجلد:
السلايدز الجلد بيجي في مجموعة الوان متنوعة مناسبة للصيف ، وبالتالي هو مناسب لكل ملابسك الصيفية ، لان الستايل بتاعه بسيط فبيكون مستحيل انه ميبقاش مناسب على اي حاجة في دولابك ، والجلد الناعم بيكون انيق ومريح في نفس الوقت للصيف.
4- الاسبادريل الفيونكة Bow espadrille slides:
الاسبادريل من انسب الحاجات للصيف ، وتقدري تختاري ما بين الخامات المختلفة منه ، تقدري تلبسيه للشاطيء او على حمام السباحة بشكل مريح.
5- السلايدز الجلد المنسوج Woven leather slides:
السلايدز الجلد المنسوج بيضيف لمسة اناقة على اي حاجة بتلبسيها.
6- السلايدز الشراشيب Tassel slides:
السلايدز الشراشيب من الستايلات المميزة جدا للصيف بتفاصيلها ، ومن الالوان التريندي للصيف ده هما اللونين الازرق الزاهي والنبيتي.
7- البلاتفورم اسبادريل Platform espadrille slides:
ستايل سبعيناتي ورجع موضة تاني السنة دي ، والستايل ده مناسب للي بيحبوا يلبسوا كعب ولكن بيكونوا كعب عايزين كعب مريح ده هيكون مثالي جدا ليهم.
8- السلايدز الكروس Crossover slides:
ستايل كمان هتحبي تضيفيه لمجموعتك السنة دي وهو السلايد الكروس ، ومن الالوان التريندي السنة دي هي الاسود والكريمي.
9- السلايدز الشرايط Strappy slides:
من الستايلات المناسبة جدا لموسم الصيف لاطلالة مريحة وانيقة في نفس الوقت ، والشرايط المضاعفة آمنه جدا وعصرية للصيف ده.
10- سلايدز شراشيب Raffia fringe slides:
ستايل تاني من السلايدز الشراشيب موضة للصيف ده ، وخامة الرافيه من الخامات التريندي جدا مش بس في الاحذية كمان في الشنط والاكسسوارات.