10 نصايح ممكن تنقذ حياتك في يوم
اوقات كتير ممكن نمر بمواقف صعبة مش بنعرف نتصرف فيها بشكل صح ، عشان كده النهاردة من خلال موضوعنا هنشارك معاكم نصايح ممكن تنقذ حياتك في يوم لو اتعرضتي لاي موقف صعب.
نصايح ممكن تنقذ حياتك:
1- لو الماية على الشاطيء بعيد عن حدود الشاطيء الطبيعية:
بما اننا في الصيف ، وده وقت البحر ، لو لقيتي الخط المائي بعيد بشكل مش طبيعي عن الشاطيء ، دي تبقى علامة على حدوث تسونامي ، لو لاحظتي ده في اي مكان انتي موجودة فيه ، حذري اللي حواليكي وابعدوا عن المكان فورا.
2- الجروح:
لما تتعاملي مع جرح ، حاولي دايما ترفعيه فوق مستوى قلبك ، الطريقة دي بتهدي التورم وبتساعد على تصريف السوايل بعيد عن المنطقة ، اما لو الجرح في الوركين او الارداف ، نامي على ضهرك وارفعي المكان بالمخدات ، لو مش هتقدري ترفعي الجرح ، حاولي انك تخليه في مستوى القلب او اقرب ما يمكن ليه.
3- طريقة سهلة لاعادة الشخص لوعيه:
لو في شخص فقد وعيه ، كل اللي هتعمليه نيميه على ضهره وادفعي الركبتين ناحية صدره ، ده هيخلي الدم يتدفق للدماغ ، والشخص اللي فاقد الوعي هيفوق ، لكن اولا اتأكدي ان الشخص ماعندوش اي اصابات في الرجل او الجسم ، لانه ممكن ده يخلي الوضع اسوأ.
4- لسعات النحل:
لو اتعرضتي للسعة نحلة ، فانتي محتاجة تزيلي اثر اللدغة ، في حين انه من الشائع ان سحب الابرة من الجلد بيقلل من السم ، ولكن اهم حاجة هي التوقيت ، انتي محتاجة تبعدي الحشرة في اسرع وقت ممكن ، سواء خدشتيها او شيلتيها بالملقاط او سحبتيها من الجلد ، النحلة مجرد ما بتفقد الابرة بتاعتها بتطلق ريحة بتجذب نحلات تانية للمنطقة ، بمجرد ما تشيلي الابرة ، اغسلي الجرح وحطي عليه ضمادة للجروح واعملي عليه كمادات ماية باردة ، لو حصل اي حساسية روحي للدكتور في اقرب وقت ممكن.
5- الحروق من الدرجة الاولى:
حروق الدرجة الاولى ، والمعروفة بالحروق السطحية ، بتأثر بس على الطبقة العلوية للجلد ، وفي حين انها ممكن تبقى مؤلمة الا انها مش خطيرة ، حاولي فورا تبريد الحرق بماية باردة من الحنفية ، واستخدام الزبدة او الدهون يعتبر من العلاجات الشعبية القديمة للحروق ، ولكن الحقيقة انه ممكن يسبب ضرر اكتر للحرق لانه بيبطيء اطلاق الحرارة ، من الطرق اللي ممكن تستخدميها في الحالة دي هي خليط صودا الخبز والماية هيساعد على اطلاق الحرارة من الحرق ، اتجنبي المضادات الحيوية الموضعية ومعظم المراهم ، ولكن ممكن دهن الفازلين مرتين لتلات مرات في اليوم على مكان الحرق ، الادوية كمان ممكن تساعد في تخفيف الالم والالتهاب.
6- سم العناكب في الموز:
العناكب دايما بتستخبى في الزرع وفي نباتات الموز ، خلي بالك لو اشتريتي موز ولقيتي فيه نقطة غريبة زي اللي باينة في الصورة ، دي غالبا كانت عش لعناكب صغيرة ، اتجنبي اكلها.
7- اصابات العين:
لما بيحصلك اي اصابة غالبا اول حاجة بتعمليها هو انك بتنضفي الجرح ، مع ذلك لما عينك يحصلها اي اصابة ، اهم حاجة تعمليها هو انك تغطي عينك وبعدين تطلبي مساعدة ، لان من خلال محاولتك لتنضيف عينك بنفسك ، ممكن تخاطري بأذية نفسك اكتر ، وده ممكن يسبب لك ضرر دائم لعينك ، الاستثناء الوحيد للقاعدة دي هو لو دخل في عينك اي مواد كيمائية ، في الحالة دي بس اشطفيها فورا بالماية.
8- لسعات قنديل البحر:
مافيش حاجة ممكن تفسد يومك على البحر زي لسعة قنديل البحر ، وغالبا ناس كتير اتعرضت للموقف ده بعد تقضية يوم على الشاطيء ، ممكن في الحالة دي تحاولي تشطفي الجرح بالماية المالحة ، ممكن كمان تشطفي الجرح بالماية السخنة او الخل وتغطية الجرح بمحلول مكون من صودا الخبز والماية ، الفحم المنشط كمان بيساعد على استخلاص سم القنديل.
9- شظايا الخشب:
الشظايا مليانة بالجراثيم وممكن انها تصيب الجلد المفتوح بسهولة ، عشان كده افتكري دايما انك تتعاملي مع الجرح وانتي معقمة ، لو عندك شظية مغروسة بالكامل في الجلد ، اول حاجة نضفي المنطقة بمطهر وبعدها خرجي الشظية بره الجلد بابرة معقمة بالماية المغلية ، بمجرد ما تخرجيها ، شدي الشظية بالملقاط ، بعدها اغسلي المنطقة بالماية والصابون.
10- اعاقة التنفس:
لو شخص اتوقف عن التنفس ، فعادة هيكون بيعاني من انسداد في مجرى الهوا ، اقلبي الشخص على ضهره وافحصي الفم وشيلي اي حاجة بتمنع التنفس ، حتى السوائل ، لفتح مجرى الهوا ميلي الراس وارفعي الدقن ، وبدل ما تحطي ايدك قريب من اعلى الراس او الجبهة ، ممكن تعملي اجراء “دفع الفك” عن طريق وضع صوابعك تحت الفك ودفع الفك السفلي لاعلى ، من غير تحريك الرقبة ، لفتح الفم ، الطريقة دي بترفع اللسان بعيد عن مجرى الهوا ، وبيساعد في تقليل انسداد الهوا ، بعدها ، ميلي الراس عشان تفتحي الممرات الهوائية.
11- الندوب:
لما بيحصل جرح على الجلد بتبقي قلقانة من الندبة اللي ممكن يسيبها بعد كده ، ولكن في حاجات ممكن تعمليها عشان تمنعي اصلا انه يحصل ندبة على جلدك ، صودا الخبز ليها خصائص مطهرة بتساعد على منع تكون الندبة ، وبتمنع العدوى ، لما تيجي تعالجي الندبة بصودا الخبز مهم انك تسيبي الجرح يتعرض للهوا الطلق ، بالاضافة لده ، ممكن كمان تخلطي صودا الخبز بالماية لعمل مطهر تحطيه على الجرح.