4 اسرار في استخدام الايفون كتير من الاشخاص مايعرفهاش
كلنا بنستخدم الموبايل بشكل يومي في كل حاجة في حياتنا تقريبا ومش بنستغنى عنه ، ولكن لو انتي من مستخدمين الايفون بشكل خاص ، بنقولك ان في كتير من الاستخدامات في الايفون مخفية وكتير من المستخدمين ميعرفوهاش ، والنهاردة من خلال موضوعنا هنقولكم 4 اسرار في استخدام الايفون يمكن تكوني اول مرة تعرفيهم.
اسرار في استخدام الايفون:
1- زرار Back Tap:
اكيد طبعا اخدتي بالك قبل كده من لوجو ابل اللي على ضهر التليفون ، واكيد فكرتي ان ده مجرد لوجو لماركة التليفون مش اكتر من كده ، ولكن هل تعرفي انه مش مجرد لوجو شكله حلو للتليفون؟ في الحقيقة ان هو زرار ممكن تستخدميه ، ولكن قبل استخدامه لازم تدخلي تظبطي الاعدادات الاول.
اول حاجة ادخلي على الاعدادات ، اضغطي على امكانية الوصول Accessibility ، بعدها اضغطي على قائمة اللمس Touch menu ، انزلي لتحت لحد ما توصلي لاختيار Back Tap ، تقدري تختاري منه Double Tap او Triple Tap اللي تفضليه.
دلوقتي الزرار شغال عندك تقدري تضغطي عليه تاخدي بيه صورة ، تظبطي سيري ، تتنقلي بين التطبيقات ، حتى كمان تقدري تاخدي بيه سكرين شوت للشاشة ، الزرار ده هيسهل عليكي استخدام الايفون اكتر خصوصا عند لقط الصور.
2- ظبط وظائف سيري Siri:
هل سبق استخدمتي سيري قبل كده وطلبتي مثلا انه يعمل مكالمة لشخص معين ولكن الاسم اتسجل بطريقة مختلفة؟ اكيد ده بيحصل كتير لان ممكن تختلط الحروف على التطبيق ويطلع لك اسم مختلف.
لكن الخبر الحلو انك تقدري تصححي النطق ، بانك تلقطي التطبيق نفسه بينطقه ازاي “مش زي ما انتي بتنطقيه” ، صححي كل اسم الشخص او اسم المكان ، بمجرد ما تدخلي النطق الصح ، سيري هيديكي اختيارات وانتي تختاري الاصح فيهم ، لو لسه التطبيق مش قادر يستوعب النطق اللي اختارتيه ، تقدري تضيفي النطق الصح ، بانك تدخلي جهات الاتصال بتاعتك ، حددي الاسم اللي التطبيق مش قادر يستوعبه ، واختاري Edit تقدري تضيفي النطق الصح لقسم الملاحظات واستخدمي Phonetic spelling واضغطي على Pronunciation spelling لتدريب سيري على النطق الصح ، لانه حتى التطبيقات الذكية جدا بتحتاج في بعض الاوقات للمساعدة.
3- تطبيق القياس Measure App:
تطبيق القياس هيسهل عليكي تقيسي اي حاجة في اي مكان من غير ادوات ، والتطبيق بيعتمد على قياس الحاجات اللي حواليكي باستخدام كاميرا التليفون ، اول حاجة حركي تليفونك حوالين المكان عشان التطبيق يقدر يحلل المنطقة اللي عايزة تقيسيها ، في النهاية هتظهرلك دايرة بيضا جواها نقطة في نص الشاشة.
وكل اللي هتعمليه انك هتحاذذي النقطة بزاوية الحاجة اللي عايزة تقيسيها وتحركي التليفون لحد ما ينتهي القياس ، التطبيق ممتاز للحصول على تقدير تقريبي.
تقدري كمان تستخدمي تطبيق القياس كمستوى ، كل اللي هتعمليه بدلي الاختيار في التطبيق واختاري level ، حطي التليفون على السطح اللي عايزة تقيسي المستوى بتاعه ، لما تيجي لك شاشة خضرا ومافيش قراية ، ده معناه ان السطح كويس ومستوي.
4- تخصيص Vibration:
في اوقات كتير ممكن نضطر نعمل تليفونا سايلنت ، وايا كان السبب انتي تقدري تعملي التليفون Vibration باهتزاز معين ، ولحسن الحظ ان في اختيارات لل Vibration تختاري من بينها.
لو عايزة تعملي Vibration بنغمة معينة ، ادخلي على Settings ، بعدها اختاري Sounds & Haptics ، اختاري النغمة اللي انتي عايزاها ، واضغطي Vibration ، بعد ما تعملي ال Vibration ، اضغطي على الشاشة لحد ما تعملي النغمة سايلنت ، دلوقتي هيبقى عندك Vibration بالنغمة المفضلة بتاعتك.
5- ال Trackpad:
عشان تتفادي الخطأ الاملائي اثناء الكتابة على الكيبورد بتاعة الموبايل ، حولي لوحة المفاتيح لوضع Trackpad لتسهيل الكتابة ، كل اللي هتعمليه ثبتي ايدك على شريط المسافة ، هتظهر كل المفاتيح باللون الرمادي ، هتقدري تحركي المؤشر عايزة تروحي له ، بعدها ارفعي صوباعك عن شريط المسافة وكملي الكتابة.
ومشكلة تانية ممكن تقابلنا وهي تغيير علامة التبويب لاستخدام الارقام والرموز ، بدل ما كل شوية تقعدي تبدلي بين الحروف والارقام والرموز ، فيه ميزة تانية تقدري تعمليها ، استمري في الضغط على الكيبورد بدل ما تضغي على علامة التبويب 123 ، هتظهر عندك علامة تبويب الارقام والرموز ، تختاري منها وبعد كده هترجعك للحروف تاني.
