ازاي تصلحي الحرق البطيء في الجسم عشان تخسري وزنك اسرع

ريهام محمود
ريهام محمود
551

مع التقدم في السن التمثيل الغذائي او الحرق بيلدأ يقل ويبقى ابطأ ، والتمثيل الغذائي يعتبر جزء مهم من صحتنا العامة ، عشان كده النهاردة من خلال موضوعنا هنتعرف مع بعض على طريقة اصلاح الحرق البطيء في الجسم.

ليه التمثيل الغذائي بيبقى ابطأ في الجسم؟

اول حاجة هتحتاجي تعرفي اذا كان الحرق في جسمك بطيء ولا لا ، وده تقدري تعرفيه بشكل عام انك هتحسي بتعب او برودة في الجسم, او هتلاقي نفسك اكتسبتي وزن زيادة على الرغم من ان عاداتك الغذائية نفسها ماتغيرتش ، ده معناه ان عملية الهضم “بطيئة” اكتر من المعتاد.

ليه ده بيحصل؟ ليه معدلات التمثيل الغذائي بتبقى ابطأ؟

التمثيل الغذائي بيشمل كل التفاعلات الكيميائية الحيوية في جسمك واللي بتستخدم العناصر الغذائية والاكسجين لتوليد الطاقة في الجسم ، وفي عوامل كتير بتأثر على سرعة او بطء عملية الايض او الحرق (واللي بيتقاس بالسعرات الحرارية).

بعض الاسباب الشائعة اللي ممكن تبطء عملية الايض:

– انخفاض هرمون الغدة الدرقية.

– التغذية السيئة.

– حجمك وتكوين جسمك.

– مستوى نشاطك.

– قلة النوم.

هنتكلم عن كل سبب بالتفصيل ، وهنقولك بعض النصايح لاصلاح الحرق البطيء.

طريقة اصلاح الحرق البطيء في الجسم
طريقة اصلاح الحرق البطيء في الجسم

1- انخفاض هرمون الغدة الدرقية:

مشاكل الغدة الدرقية تعتبر من اكبر الاسباب لبطء عملية التمثيل الغذائي ، غدتك الدرقية هي المتحكم الرئيسي في عملية التمثيل الغذائي في جسمك ، لما الغدة بتنتج عدد هرمونات اقل ، عملية الحرق بتبقى ابطأ ، لان هرمونات الغدة الدرقية بتقول للخلايا في جسمك امتى تستخدم طاقة اكبر وتبقى نشيطة اكتر في عملية التمثيل الغذائي.

ومن الناحية المثالية الغدة الدرقية المفروض تحافظ على توازن التمثيل الغذائي ، ولكن في عوامل كتير ممكن تخلي الغدة الدرقية ماتعملش الوظيفة بتاعتها على اكمل وجه ، زي امراض المناعة الذاتية, نقص المعادن (زي اليود او السيلينيوم).

طريقة اصلاح الحرق البطيء في الجسم 1

2- التغذية السيئة:

لما الاشخاص بيفقدوا الوزن ، غالبا ده هيسبب بطء معدل الحرق ، وده بيحصل لان الجسم بيحس انه بيدخله كمية اكل قليلة وبيكيف نفسه على الكمية اللي داخله له من خلال محاولة مواصلة كل وظائف الحياة الضرورية مع كمية اقل من الاكل.

وفي حين ان اتباع نظام غذائي ممكن يأدي لتقليل كمية الدهون ، الا انه لسوء الحظ ده ممكن يأدي كمان لتقليل كمية العضلات في الجسم ، ووجود عضلات اكتر معناه معدل حرق اسرع حتى في حالة الراحة، عشان كده لما العضلات بتقل بيقل معاها كمان عملية الحرق.

طريقة اصلاح الحرق البطيء في الجسم 2

3- حجم الجسم وتكوينه:

بشكل عام الاشخاص اللي حجمهم اكبر عندهم معدلات ايض اسرع ، وده لانه بيحتاج طاقة اكبر لتغذية جسم اكبر من الجسم الاصغر ، ولكن مع ذلك ، اكيد مش افضل استراتيجية لزيادة التمثيل الغذائي انك تزودي وزنك.

عضلات الجسم اللي بتتحرك بنشاط بتحتاج للطاقة ، حتى في حالة الراحة ، العضلات بتحرق سعرات حرارية اكتر من الدهون ، وده معناه ان كمية الطاقة (السعرات الحرارية) اللي بيستخدمها جسمك بتعتمد بشكل جزئي على كمية الكتلة العضلية الخالية من الدهون في جسمك ، وده هياخدنا للنقطة اللي بعد كده وهي مستوى النشاط.

طريقة اصلاح الحرق البطيء في الجسم 3

4- مستوى النشاط:

تمارين الايروبك بتزود من معدل الايض ، لان العضلات بتحرق طاقة (سعرات حرارية) عشان تتحرك ، وبتتأكدي من ده لما بتسخني ، وبتعرقي اثناء التمرين.

حتى النشاطات البسيطة ممكن تساعد ، زي المشي لمسافات اطول من اللي انتي متعودة عليها ، تتحركي وتقفي بدل القعدة طول اليوم ، طلوع السلم بدل استخدام الاسانسير ، كل ده هيساعد في زيادة نشاطك اليومي.

طريقة اصلاح الحرق البطيء في الجسم 4

5- قلة النوم:

في كتير من الابحاث اللي اثبتت تأثير النوم على معدل الحرق ، كل الابحاث اجمعت على النوم من 7 – 9 ساعات كل يوم.

طريقة اصلاح الحرق البطيء في الجسم 5

طريقة اصلاح الحرق البطيء في الجسم:

1- زيادة التمرين:

ادمجي نشاط وحركة زيادة في يومك ، بالاضافة لممارسة التمارين الرياضية بانتظام ، المتخصصين بينصحوا بممارسة تمارين الايروبك لمدة 30 دقيقة في اليوم ، 5 مرات في الاسبوع ، وافتكري انك ممكن تقسمي وقت التمارين على مدار اليوم ، والحاجة البسيطة اكيد افضل من مافيش خالص.

طريقة اصلاح الحرق البطيء في الجسم 6

2- تمارين الوزن:

هتحتاجي كمان انك تعملي شوية تمارين بالوزن للمساعدة في زيادة كتلة عضلاتك ، وفي حين ان تمارين الكارديو مهمة للصحة العامة وفقدان الوزن ، بناء عضلات اكتر هيزود من معدل الحرق حتى اثناء الراحة.

وتمارين الوزن مش معناه انك لازم تروحي جيم وتبدأي في رفع الاثقال ، بننصحك تبدأي ببطء وتمارسي تمارين البيلاتس واليوجا ، وبما ان التمارين بتستخدم وزن جسمك ، هتبدأي تبني عضلات.

طريقة اصلاح الحرق البطيء في الجسم 7

3- نامي اكتر:

لحسن الحظ انك بمجرد ما هتبقي نشيطة اكتر ، هتلاحظي انك بتتعبي في وقت اسرع وده حاجة ايجابية لانك هتحتاجي للنوم ، حاولي تعملي روتين يخليكي تنامي 7 ساعات على الاقل كل يوم.

طريقة اصلاح الحرق البطيء في الجسم 8

4- كلي اكل صحي:

النوم اكتر وممارسة التمارين ما هي الا نص الطريق ، لازم تتأكدي انك تاكلي اكل صحي بشكل كافي لتزويد جسمك بالطاقة من غير افراط في الاكل ، في حين ان كمية الاكل بتختلف من شخص للتاني بسبب العمر, الجنس, اسلوب الحياة ، الا انه المفروض مايقلش عن 1200 سعرة حرارية في اليوم ، وركزي على البروتن في نظامك الغذائي لانه هيساعدك على بناء عضلات اكتر.

طريقة اصلاح الحرق البطيء في الجسم 9

5- اعملي تحاليل:

اخر حل ليكي لو عملتي كل الحاجات اللي احنا قولناها فوق ولسه حاسه ان عملية التمثيل الغذائي بطيئة ، ان تروحي تعملي تحاليل هرمونات الغدة الدرقية ، وممكن تحتاجي انك تاخدي مكمل هرمون الغدة الدرقية الاصطناعي لموازنة هرموناتك.

طريقة اصلاح الحرق البطيء في الجسم 10

مقالات متعلقه

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

مكونين تضيفيهم للقهوة بتاعتك هيخلصوكي من دهون البطن وهيسرعوا نسبة الحرق في الجسم

مشروب بذور الشيا لانقاص الوزن بسرعة

مشروب بذور الشيا لانقاص الوزن بسرعة

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب