10 حاجات تنضيفهم زيادة عن اللزوم ممكن يسبب تلفهم

ريهام محمود
ريهام محمود
310

على الرغم من ان الموضوع  يبان غريب ، الا انه احيانا التنضيف الزيادة بيضر اكتر ما ينفع ، في حاجات مش بتحتاج تنضيف بشكل زيادة او عدد مرات كتير ، لانها ممكن تتلف ، والنهاردة من خلال موضوعنا هنشارك معاكم 10 حاجات تنضيفهم زيادة ممكن يتلفهم.

حاجات تنضيفهم زيادة ممكن يتلفهم:

1- الفوط:

انتي مش مضطرة تغسلي الفوط بعد ما مرة تستخدميهم ، من الآمن جدا استخدام الفوط لمدة اسبوع ، مادام اتأكدتي من جفافها كويس ، يعني بعد كل استخدام حطيها في مكان تتهوى وتنشف ، ده هيحافظ على الفوط بتاعتك في حالة جيدة اطول فترة ممكنة.

حاجات تنضيفهم زيادة ممكن يتلفهم
حاجات تنضيفهم زيادة ممكن يتلفهم

2- الاثاث الخشبي:

ثبت ان السبراي اللي بيعتمد على الشمع لتنضيف الاثاث الخشبي ممكن يعمل تراكم زيتي على الاثاث يجذب تراب اكتر لو استخدمتيه اكتر من مرة لمرتين في الشهر ، عشان كده لو انتي بتحبي تمسحي الاثاث كل يوم ، الافضل انك تعملي ده بقطعة قماش جافة.

حاجات تنضيفهم زيادة ممكن يتلفهم 2

3- الطاسة المصنوعة من الحديد:

ممكن تكوني بتغسلي الطاسات الحديد بمنظف غسيل الاطباق العادي ، ولكن الحقيقة ان ده ممكن يتلف الحديد ، الطريقة الصح اللي المفروض تعمليها لتنضيف الطاسات الحديد هي انك تعملي محلول عبارة عن ملح خشن وماية لازالة اي بقايا محروقة ، ومهم انك تسيبي الطاسة تنشف بعد الغسيل لان حتى قطرات الماية البسيطة ممكن تسبب صدأ للطاسة.

وانتي مش محتاجة تغسلي الطاسة الحديد عدد مرات كتير ، يعني لو في مرات عملتي فيها حاجة مافيهاش دهون او ماسبتش اوساخ في الطاسة ممكن تنضفيها عن طريق مسحها بس.

حاجات تنضيفهم زيادة ممكن يتلفهم 3

4- المرايات:

رش منظف الزجاج على المراية يوميا ممكن يتسبب في تلفها ، ممكن ده يسبب ظهور بقع سودا حوالين حواف المراية او حتى في نصها ، عشان كده الافضل تنضفي المراية مش اكتر من مرة واحدة بس في الاسبوع لتجنب المشاكل دي.

حاجات تنضيفهم زيادة ممكن يتلفهم 4

5- البوتجاز:

حتى لو بتطبخي عليه بشكل يومي ، مافيش داعي انك تنضفي البوتجاز كل يوم لو مش متوسخ اوي ، لان الاكل مش بيتلامس مع سطح البوتجاز اثناء الطبخ والحرارة العالية بتقتل الجراثيم بشكل فعال ، مافيش مشكلة من مسح البوتجاز بعد الطبخ بفوطة جافة وغسله مرة في الشهر.

حاجات تنضيفهم زيادة ممكن يتلفهم 5

6- السويتر:

مافيش مانع ابدا من لبس السويتر اكتر من مرة قبل غسله ، لو مافيش عليه اي بقع او عرق ، ممكن تلبسيه لحد 6 مرات وبعدين تغسليه ، لان كثرة غسيل الملابس الصوف ممكن يأدي لتلف النسيج بتاعها وتغيير شكلها.

حاجات تنضيفهم زيادة ممكن يتلفهم 6

7- الجينز:

مافيش مانع من غسل البنطلون الجينز بعد 4 – 5 مرات من اللبس ، والاكتر كمان ان مصنعين الجينز نفسه بيوصوا بغسل الجينز مرة واحدة كل 6 شهور للحفاظ عليه ، وبدل الغسيل ممكن تحطيه في كيس وتدخليه في الفريزر طول الليل ده هيخلصك من اي روايح ، وممكن كمان تعملي سبراي منعش عبارة عن ¼ كوباية كحول, ¼ كوباية ماية و 3 نقط من زيت اللافندر ، رشي البنطلون بالسبراي ده وسيبيه ينشف في الهوا ، هيكون بديل مثالي جدا للغسيل.

حاجات تنضيفهم زيادة ممكن يتلفهم 7

8- البيجامة:

اغسلي البيجامة مرة واحدة في الاسبوع او كل 3 – 4 ايام لو بتعرقي وانتي نايمة ، ومع ذلك ، لو انتي بتلبسي البيجامة طول اليوم هتبقي محتاجة تغسليها اكتر ، وبننصحك تاخدي شاور قبل النوم كل يوم للحفاظ على نضافة هدومك دايما.

حاجات تنضيفهم زيادة ممكن يتلفهم 8

9- ابريق الشاي الفخار:

مش بننصحك تغسلي ابريق الشاي المصنوع من الطين بالمنظف ، لان الطين بيمتص نكهة الشاي وتحسين طعمه عند نقع اوراق الشاي فيه ، لما تيجي تنضفيه هيكون كافي انك تتخلصي من اوراق الشاي وتشطفيه بالماية السخنة بس.

حاجات تنضيفهم زيادة ممكن يتلفهم 9

10- الموبايل:

على قد ما بتبقي عايزة تنضفي تليفونك كل يوم ، الا انه مش ضروري تعملي ده يوميا ، بدل كده خليها قاعدة اساسية عندك انك تغسلي ايدك قبل لمس شاشة الموبايل ، والافضل انك تنضفي الموبايل بمسحة بمطهر مضاد للبكتيريا مرة واحدة بس في الاسبوع.

حاجات تنضيفهم زيادة ممكن يتلفهم 10

13 طريقة طبيعية لتنضيف البيت من مكونات طبيعية تماما .. اعرفيهم معانا

13 طريقة طبيعية لتنضيف البيت من غير مواد كيماوية
13 طريقة طبيعية لتنضيف البيت من غير مواد كيماوية

مقالات متعلقه

13 غلطة المحترفين بينصحوا انك توقفي تعمليها

13 غلطة المحترفين بينصحوا انك توقفي تعمليها

حاجات صغيرة بنعملها غلط من غير ما نعرف!

حاجات صغيرة بنعملها غلط من غير ما نعرف!

حاجات المفروض متخزنيهاش في الحمام

حاجات المفروض متخزنيهاش في الحمام