4 طرق بسيطة لازالة الرؤوس السودا عن طريق تعديل نظامك الغذائي
علاج اي مشاكل خارجية بيبدأ من جوه الجسم ، بدل ما تشتري المنتجات الخارجية اللي بتتحط على البشرة من بره ، زي الماسكات القاسية او شرايط ازالة الرؤوس السودا اللي ممكن تسيب مسامك مفتوحة ومعرضة للبكتيريا والاوساخ ، الافضل تعتمدي على اختيار الاطعمة المناسبة وحل المشكلة داخليا وبطرق صحية هيكون هو الحل الامثل ، والنهاردة من خلال موضوعنا هنشارك معاكم قائمة اطعمة لازلة الرؤوس السودا ، بناء على الابحاث الطبية.
اطعمة لازالة الرؤوس السودا:
1- كلي حفنة من اللوز:
اللوز بيحتوي على كمية كبيرة من فيتامين E واللي عنده قدرة طبيعية لمنع الحاجات اللي ممكن تضر بشرتك ، زي التلوث والبكتيريا ، ولو قلقانة ان اللوز بيحتوي على دهون كتير ، بنقولك ماتقلقيش لانه بيحتوي على دهون صحية ممكن تساعدك على انقاص الوزن ، ولكن تجنبي الكاجو الني لانه مش آمن وممكن يهيج بشرتك.
2- امنعي منتجات الالبان من نظامك الغذائي:
منتجات الالبان ممكن يبقى ليها تأثير ضار على بشرتك اكتر ما انتي تتخيلي ، البروتينات الموجودة في لبن البقر بتفرز الانسولين ، وده معروف انه بيسبب تشققات ومشاكل الجلد زي الرؤوس السودا ، حتى انه البروتينات اللي موجودة في اللبن ممكن تختلط مع الهرمونات الطبيعية اللي في اجسامنا واللي ممكن تسبب ظهور البثور.
3- كلي اكتر من الاطعمة اللي بتحتوي على احماض اوميجا 3 الدهنية:
احماض اوميجا 3 الدهنية ممكن انها تقلل الالتهاب وتساعد في محاربة حب الشباب ، ببساطة تقدري تاكلي الاطعمة اللي بتحتوي على اوميجا 3 لوحدها او دمجها مع اطعمة صحية تانية ، الاوميجا 3 ممكن تساعد كمان على التخلص من جفاف البشرة والاحمرار والحكة ، ومن افضل مصادر اوميجا 3 هي السلمون, المحار, السردين, الكافيار, بذور الشيا, فول الصويا وغيرها من الاطعمة الغنية باوميجا 3.
4- استخدمي زيت بذور لسان الثور:
على الرغم من ان زيت لسان الثور بيحتوي على احماض اوميجا 6 الدهنية (واللي المفروض تتجنبيها لازالة الرؤوس السودا) ، الا انه مش بيسبب التهاب في الجلد ، هو في الواقع مضاد للالتهابات ، وبيساعد على تكسير انسداد البروتين وعلى تقليل الاكسدة.
9 وصفات طبيعية فعالة لعلاج الرؤوس السودا
