10 وجبات خفيفة سهلة هتساعدك على زيادة الوزن بشكل صحي

ريهام محمود
ريهام محمود
808

كل شخص بيحاول يزود وزنه اكيد عارف انه عشان يزود وزنه ان معرفة الاطعمة اللي المفروض ياكلها وكمية الاكل هي الجزء الاصعب في الموضوع ، واكيد التمارين كمان مهمة ولكن مش بنفس اهمية اللي بيدخل في جسمك ، الاكل هو وقود الجسم ومن غير الوقود المناسب الجسم مش هيزيد ، والنهاردة من خلال موضوعنا هنشارك معاكم 10 وجبات خفيفة لزيادة الوزن بشكل صحي.

وجبات خفيفة لزيادة الوزن:

اول حاجة لازم نعرف ان عشان نزود الوزن هيكون اكل 3 وجبات بس في اليوم غير كافي لزيادة الوزن ، لو عايزة تزودي وزنك ياما تاكلي وجبات اكبر ، وده بيكون صعب على بعض الاشخاص ، او الاختيار التاني والاسهل انك تاكلي وجبات خفيفة بين الوجبات عشان تزودي عدد السعرات الحرارية في اليوم وفي نفس الوقت بشكل صحي ، تعالوا نشوف مع بعض افكار لوجبات خفيفة هتساعدك على زيادة الوزن.

1- جرانولا بار:

لو عايزة وجبة خفيفة بره البيت ، الجرانولا بار هتكون انسب اختيار ليكي ، لانه سهل تحطيها في شنطتك وتاخديها معاكي في اي مكان.

وجبات خفيفة لزيادة الوزن
وجبات خفيفة لزيادة الوزن

2- الزبادي اليوناني مع الفواكة:

الزبادي اليوناني بيحتوي على كمية عالية من البروتين اللي هيساعدك على زيادة الوزن ، وعشان تزودي فيه عدد السعرات الحرارية ضيفي له توت او اي نوع فاكهة تفضليه او حتى شوية جرانولا فوقيه.

وجبات خفيفة لزيادة الوزن 2

3- عصاير الفاكهة:

العصاير هتبقى مفيدة جدا خصوصا لو انتي مش عايزة تاكلي حاجة او حاسه انك شبعانة اشربي كوباية عصير فاكهة للحصول على عدد من السعرات الحرارية الاضافية ، حطي في الخلاط كوباية من الفاكهة المجمدة اي نوع تفضليه مع كوباية لبن واضربيهم مع بعض ، ممكن كمان تضيفي لهم مغرفة بروتين بودر ، ممكن كمان تضيفي موزة للحصول على 100 سعرة حرارية اضافية.

وجبات خفيفة لزيادة الوزن 3

4- وافل مع زبدة الفول السوداني:

من الوجبات الخفيفة اللي بتدي الجسم طاقة عالية قبل التمرين ، كل اللي هتعمليه هاتي الوافل ، وحطي عليه طبقة من زبدة الفول السوداني او من اي زبدة مكسرات ، زبدة الفول السوداني مصدر جيد للبروتين.

وجبات خفيفة لزيادة الوزن 4

5- كوكيز التفاح:

كوكيز التفاح وجبة خفيفة وبسيطة وسهلة التحضير ، كل اللي هتعمليه هاتي تفاحة وقطعيها شرايح ، بحيث الشرايح تكون مستديرة ومسطحة ، وضيفي فوقيها اي اضافات تفضليها شوكليت شيبس, طبقة من زبدة الفول السوداني, زبيب, قرفة ، تقدري تنوعي زي ما انتي عايزة.

وجبات خفيفة لزيادة الوزن 5

6- وجبة الطاقة:

وجبة خفيفة بتدي طاقة  للجسم وهتضيف لك عدد من السعرات الحرارية ، كل اللي هتعمليه هاتي 1 كوباية شوفان, 2/3 كوباية جوز هند مبشور, ½ كوباية من زبدة الفول السوداني, ½ كوباية من بذور الكتان, ½ كوباية شوكليت شيبس, 1/3 كوباية عسل, 1 معلقة كبيرة من بذور الشيا, 1 معلقة صغيرة من مستخلص الفانيليا ، في طبق كبير اجمعي كل المكونات مع بعض واخلطيهم كويس ، غطي الطبق ودخليه التلاجة لمدة 1 – 2 ساعة ، وبعدها شكلي الخليط على شكل كور صغيرة ، وكده الوجبة تبقى جاهزة.

ممكن تحفظيها في التلاجة في علبة محكمة الغلق لمدة اسبوع ، او في الفريزر لمدة 3 شهور.

وجبات خفيفة لزيادة الوزن 6

7- حمص مع بسكويت مملح:

كمان من الوجبات الخفيفة اللي تقدري تعتمدي عليها هي سلطة الحمص مع بسكويت مملح او خضروات.

وجبات خفيفة لزيادة الوزن 7

8- ال Trail mix:

ال Trail mix من الوجبات الخفيفة المليانة السعرات الحرارية ، ½ كوباية منه هتديكي تقريبا 300 سعر حراري ، وهو بيكون عبارة عن خليط من مكسرات مشكلة, بذور مشكلة زي (بذور القرع, بذور الكتان), فاكهة مجففة مشكلة, شوكليت شيبس, زبيب, M&M’s.

وجبات خفيفة لزيادة الوزن 8

9- الشوفان:

الشوفان غني بالسعرات الحرارية ، وتقدري تضيفي له اي اضافات تفضليها لزيادة سعرات حرارية اضافية ، ممكن تضيفي له موز, فراولة, او حتى شوكولاتة ، تقدري تحضريه من بالليل وتحطيه في التلاجة للصبح تاكليه كوجبة فطار او كوجبة خفيفة بين الوجبات.

وجبات خفيفة لزيادة الوزن 9

10- وجبات خفيفة للتنقل:

لو عايزة افكار وجبات خفيفة تاخديها معاكي بره البيت واثناء التنقل ، تقدري تاكلي مكسرات مشكلة, فواكة مجففة, جبن, شوكليت شيبس, بريتزل ، ممكن تاخدي بوكس متقسم فيه مكسرات, شوكولاتة, جبن.

وجبات خفيفة لزيادة الوزن 10

مقالات متعلقه

اطعمة لزيادة الوزن للاطفال بشكل صحي

اطعمة لزيادة الوزن للاطفال بشكل صحي

طرق لزيادة الوزن بسرعة وبشكل صحي

طرق لزيادة الوزن بسرعة وبشكل صحي

افضل انواع الفاكهة عالية السعرات الحرارية هتساعدك على زيادة الوزن

افضل انواع الفاكهة عالية السعرات الحرارية هتساعدك على زيادة الوزن