ازاي تعملي مكياج جلد الدولفين “Dolphin Skin Makeup”

ريهام محمود
ريهام محمود
في
مكياج
580

من اكتر اتجاهات المكياج الموضة في الصيف ده هو مكياج جلد الدولفين “Dolphin Skin Makeup” ، لكن ايه هو وازاي تعمليه ، ده اللي هنعرفه مع بعض من خلال السطور الجايه.

ايه هو مكياج جلد الدولفين؟

المكياج ده مستوحى من المظهر الخارجي اللامع والناعم لجلد الدولفين ، واللي بيتم فيه استخدام تقنيات تسليط الضوء في اماكن محددة بحيث البشرة تبقى بتلمع وناعمة ورطبة زي جلد الدولفين ، وده معناه ان المكياج ده هيكون عالي اللمعان.

وفي الفترة الاخيرة في تحول من لوك المكياج المات التقيل للمكياج ال dewy glow المنعش.

مكياج جلد الدولفين
مكياج جلد الدولفين

مميزات مكياج جلد الدولفين:

– لوك مكياج جلد الدولفين بيكون اللمعان فيه اعلى من المكياج ال dewy العادي.

– اللوك ال dewy العادي ممكن يعتمد على استخدام المرطب وكريم الاساس بس ، اما مكياج جلد الدولفين فهو بيعتمد على بناء طبقات فوق بعض.

– البشرة مع مكياج جلد الدولفين بتكون رطبة, ناعمة, زجاجية.

– تقنية مكياج جلد الدولفين بتعتمد على اضافة اضاءة لامعة في قاعدة المكياج نفسها ، مش بس كلمسة نهائية.

مكياج جلد الدولفين 2

طريقة عمل مكياج جلد الدولفين:

– الخطوة 1: الاساس

ابدأي الاول بسيروم مرطب ووراه كريم مرطب غني.

الطبقة الاولى من مكياج جلد الدولفين بتبدأ بمضي سائل liquid luminiser ، على الجبهة, عضم الخدين, الجفون, التي زون, وخط الفك.

بعدها تقدري تحطي كريم اساس سائل خافي للعيوب  لو لزم الامر.

مكياج جلد الدولفين 3

– الخطوة 2: الخدود

لما يكون الاساس او قاعدة مكياجك رطبة يبقى اعتمدي على المنتجات الكريمي ، ابدأي باستخدام بلاشر كريمي بلون فاتح على تفاحة الخدين ، وبعدها استخدمي كونتور كريمي تحت عضم الخدين لاضافة بُعد للوش.

وعشان اللوك ده لامع اوي ، مهم انك ماتكتريش في مساحة البلاشر والكونتور.

مكياج جلد الدولفين 4

– الخطوة 3: العيون

مرة تانية هنستخدم المنتجات الكريمي ، استخدمي ايشادو كريمي لامع بلون فاتح ، ولكن كمان ماتخافيش من تجربة الوان زاهية في الايشادو.

حطي هايلايتر او مضيء خفيف في زاوية العين ، وكمان تحت اعلى نقطة من عضمة الحاجب.

ممكن كمان تضيفي شوية لمعان على العين ، وتنهي مكياج العيون بماسكارا مقاومة للماية.

مكياج جلد الدولفين 5

– الخطوة 4: الشفايف واللمسات الاخيرة

استخدمي تركيبة كريمية ومرطبة للشفايف ، والافضل مع اللوك ده تستخدمي بلسم شفايف ملون للحفاظ على ترطيب الشفايف.

لتكثيف اللمعان ، استخدمي مضيء سائل على النقط اللي بتجذب الضوء في الوش زي عضم الخدين, الانف, الجبهة, والدقن.

ضيفي المضيء في اي مكان محتاجة تبرزيه ، ولكن ابعدي بس عن المنتجات السباركلي او الجليتر.

مكياج جلد الدولفين 6

مقالات متعلقه

افكار مكياج صيفي طبيعي

افكار مكياج صيفي طبيعي

احدث تريندات المكياج في شتاء 2023

احدث تريندات المكياج في شتاء 2023

9 صيحات مكياج موضة تجربيهم الصيف ده

9 صيحات مكياج موضة تجربيهم الصيف ده