ستايلات البنطلونات الجينز التريندي في 2023

ريهام محمود
ريهام محمود
2027

البنطلون الجينز من القطع الاساسية في اي دولاب ، لانه عملي جدا والاختيارات معاه واسعة جدا ، وتقدري تنسقي عليه اي حاجة من دولابك ، والنهاردة من خلال موضوعنا هنشارك معاكم ستايلات البنطلونات الجينز التريندي السنة دي.

ستايلات البنطلونات الجينز التريندي:

اكيد الجينز الازرق الكلاسيك من الحاجات اللي مش بتبطل ابدا ، ولكن كل موسم بتيجي مجموعة مختلفة من الجينز ، والنهاردة جمعنالكم الستايلات الاساسية اللي هتبقى موجودة السنة دي.

1- الرجل الواسعة اوي Very Wide Leg:

الجينز اللي رجله واسعة من الحاجات اللي كانت موضة من فترة ، وبعدها جه اخد مكانه الجينز السكيني ، لكن السنة دي رجع تاني مع السكيني الجينز اللي برجل واسعة ، ويعتبر قطعة اساسية في الموسم ده.

ستايلات البنطلونات الجينز التريندي
ستايلات البنطلونات الجينز التريندي

2- الجينز بألوان مختلفة Deconstructed Denim:

لو عايزة قطعة اقل كلاسيكية ومختلفة ، بننصحك تجربي الجينز المرقع بدرجات مختلفة ، بيجمع ما بين الغامق والفاتح.

ستايلات البنطلونات الجينز التريندي 2 2

3- الجينز الكارجو Cargo Jeans:

كمان من الاتجاهات الرئيسية السنة دي في الجينز ، هو الستايل الكارجو ، بيكون كبير وواسع وده يخليه قطعة عملية ومريحة جدا.

4- الجينز البينك:

احنا متعودين دايما على الجينز الازرق الكلاسيك ، لكن السنة دي كسرت القاعدة دي بالجينز البينك بدرجاته موضة للموسم ده.

5- الجينز الكروب Cropped Flares:

الجينز القصير كمان من الستايلات الموضة السنة دي ، واللي ممكن تلبسي معاه شوز رياضي او بوت لانه موديله بيسمح ان الشوز يكون باين ، والستايل ده ميزته انه بيبين الرجل اطول ، ومريح جدا في اللبس وتقدري تلبسيه من الصبح لحد بالليل من غير ما تبقي متضايقة.

6- السكيني جينز Skinny Jeans:

الجينز السكيني نقدر نقولك بكل ثقة انه مش هيبطل في وقت قريب هو لسه مستمر معانا بكل اشكاله لفترة طويلة.

مقالات متعلقه

افكار ستايلات مع الجينز برجل واسعة

افكار ستايلات مع الجينز برجل واسعة

ازاي تجددي دولابك وتخليه على الموضة

ازاي تجددي دولابك وتخليه على الموضة

ستايلات موضة للخريف والشتا السنة دي

ستايلات موضة للخريف والشتا السنة دي