وصفة طبيعية لشد ترهل الجلد
مع التقدم في السن, عدم العناية الكافية, العوامل الخارجية, العادات الغلط ، كلها حاجات بتسبب لنا التجاعيد وترهل الجلد ، وفي حين ان علامات الشيخوخة امر لا مفر منه ، الا انه في طرق سهلة وسريعة لابطاء العملية ، تقدري تحاربي الجلد المترهل بمكونين بس موجودين في مطبخك ، وده اللي هنعرفه النهاردة من خلال المقال بتاعنا ، هنشارك معاكم وصفة طبيعية لشد البشرة.
فوايد المكونات:
– الخيار:
بيحتوي على العناصر الغذائية الرئيسية القادرة على استعادة الجلد بشكل طبيعي ، فيتامين K, C الاتنين من مضادات الاكسدة اللي بتقاوم الجذور الحرة المسببة للتجاعيد ، والخيار بيحتوي على عنصر مفيد في شد الجلد وهو السيليكا ، اللي بيعزز نمو النسيج الضام.
– بياض البيض:
بيساعد على شد الجلد بشكل طبيعي.
وصفة طبيعية لشد البشرة:
المكونات:
– ½ خيارة.
– بياض بيضة.
الطريقة:
1- قشري الخيار ، وقطعيه لقطع صغيرة.
2- باستخدام الخلاط على سرعة متوسطة ، اضربي الخيار المقشر لمدة دقيقتين او لحد ما يبقى ناعم.
3- صفي الخيار على مصفي ، واضغطي عليه بالمعلقة عشان تستخرجي منه كل العصير.
4- ضيفي بياض البيض على عصير الخيار وامزجيهم مع بعض كويس.
5- وزعي الخليط على وشك ورقبتك.
6- سيبيه لمدة 15 دقيقة وبعدها اغسليه بماية باردة.
7- استخدمي الماسك من 1 – 2 مرة في الاسبوع للحصول على افضل النتايج.