حركات وتصرفات هتخلي شريكك يحبك بشكل جنوني

ريهام محمود
ريهام محمود
في
حب
1338

في العلاقة دايما بيكون التفكير الثابت الوحيد في ذهنك ، هو ايه اللي ممكن تعمليه عشان تخليه يفضل مبسوط وسعيد ، ومعظم النساء تفكيرهم بيروح للهدايا او المفاجأت الواضحة ، واللي على الرغم من انها مفيدة وليها تأثير ، الا انها ممكن تبقى متوقعة ، ولكن فيه تصرفات هتزود حب شريكك ليكي من غير ما تبقى واضحة او صريحة ولكن شريكك بيلاحظها وبتعني له كتير وبيقدرها ، تعالوا نعرفها مع بعض من خلال السطور الجاية.

تصرفات هتزود حب شريكك ليكي:

1- لمسة لطيفة:

المسي رجله بصوابعك رجليكي ، سواء كنتوا في عشا بره البيت او على الكنبة في البيت ، اللمسة دي هتبسطه وفي نفس الوقت هتضيف روح من المرح وهتضحكه ، نفس الشيء مع الانف ، تحطي انفك على انفه وتخبطي عليها او تحكيها بأنفك.

تصرفات هتزود حب شريكك ليكي 1
تصرفات هتزود حب شريكك ليكي 1

2- اللعب في شعره:

معروف ان الرجالة بتحب شعر النساء ، ولكن في المقابل كمان الراجل بيحب الست تلعب له في شعره ، تقدري تعملي ده من وقت للتاني مره بحجة ان في حاجة في شعره او تجففي شعره بعد الحمام او تعملي الحركة ببساطة.

تصرفات هتزود حب شريكك ليكي 2
تصرفات هتزود حب شريكك ليكي 2

3- خليكي صديقته:

الرجالة والرياضة مش بينفصلوا ، ممكن في بعض الاحيان ، خليكي صديقته “في اجازة نهاية الاسبوع” اللي بيستمتع فيها بلعبة فيديو جيم او اي لعبة بيفضلها ، او ببساطة بيتفرج على ماتش كورة ، شاركيه ده ، ولما الفريق اللي هو بيشجعه يفوز احتفلي معاه ، شريكك هيقدر ده بصورة لا تتخيليها وهتخليه يحبك اكتر.

تصرفات هتزود حبك شريكك ليكي
تصرفات هتزود حبك شريكك ليكي

4- الصدق:

لما يطلب نصيحتك في موضوع مهم ، خليكي صادقة وحيادية ، وده معناه انك ممكن تختلفي معاه في رايه ، بس صدقك معاه هيساعد في بناء ثقته بيكي ، والثقة جزء مهم في اي علاقة.

تصرفات هتزود حبك شريكك ليكي 4

5- طلعيه من وسط الزحمة:

ممكن ده يبان لك كأنه مشهد خارج من فيلم ، ولكن ممكن يكون اكتر من مرة حصل انك اتفقتوا تتقابلوا في مكان زحمة وقعدتوا تدوروا على بعض ، قدرتك على اكتشافه في وسط الزحمة ،  هيخلي جواه احساس بالراحة ، وهيقدرك بشكل اكبر.

تصرفات هتزود حبك شريكك ليكي 5

6- العبوا تحت المطر:

المشهد الرومانسي الاشهر في الافلام الرومانسية ، نفذيه في الواقع ، غالبا الرجالة عندم معتقد ان الست هتخاف على شعرها ولبسها وده هيمنعها من الاستمتاع باللحظة ، لكن المرة الجايه فاجئيه واظهري له الجانب المرح والممتع من شخصيتك ، والعبوا تحت المطر.

تصرفات هتزود حبك شريكك ليكي 6

7- اطبخي معاه:

في رجالة كتير بيحبوا يدخلوا المطبخ ويظهروا مهاراتهم في الطبخ ، اثناء ما هو في المطبخ بيعمل طبقه المفضل ، ادخلي ساعديه ، ودخلي شوية مرح ولعب في الموضوع ، حطي مثلا دقيق على شعرك وشعره او غيرها من الحركات ، زي ما دايما بنشوف في الافلام وبنقعد نقول ده بيحصل في الافلام بس لا احنا ممكن ننفذه في الواقع ونعيش حياتنا زي ما احنا عايزين بالطريقة اللي تبسطنا ، واتأكدي انه هيساعدك في التنضيف بعد كده لانه هيكون مبسوط.

تصرفات هتزود حبك شريكك ليكي 7

8- الحضن:

الخلافات جزء من اي علاقة زوجية ، وفي حين ان الاحضان والقبلات بتحصل بشكل طبيعي بين الزوجين ، الا انه الحضن بعد الخلاف هيساعد على التخلص من الاختلاف بينكم والجو المشحون بشكل اسرع ، والحضن بيحسس الطرف التاني دايما بالامان.

تصرفات هتزود حبك شريكك ليكي 8

9- اقبلي اعتذاره:

ممكن شريكك يقع في اي غلطة سواء انتي اكتشفتي بنفسك او هو اعترف لك بنفسه ، مجرد ما تلاقيه جيه اعتذر لك بصدق اقبلي اعتذاره ، هيقدر جدا انك ادتيه فرصه ومامستكيش في الغلطة وقعدتي تلومي وتأنبي فيه.

تصرفات هتزود حبك شريكك ليكي 9

مقالات متعلقه

ازاي تخلي شريكك يفتقدك ويقدرك اكتر

ازاي تخلي شريكك يفتقدك ويقدرك اكتر

صفات المرأة المثالية اللي دايما بيقدرها الرجل ويحب وجودها في شريكة حياته

صفات المرأة المثالية اللي دايما بيقدرها الرجل ويحب وجودها في شريكة حياته

جمل لو قولتيهم لشريكك هتخليه يدوب في حبك

جمل لو قولتيهم لشريكك هتخليه يدوب في حبك