آيس كريم النوتيلا: اسرع واسهل آيس كريم بمكونين اتنين بس

لو انتي من عشاق النوتيلا ، تقدري تعملي آيس كريم النوتيلا بمكونين اتنين بس ، الوصفة سهلة وسريعة ومش هتاخد منك اكتر من دقيقتين لتحضيرها ، وبعدها تقدري تاكلي احلى أيس كريم بمجرد ما يتجمد ، تعالوا نشوف الطريقة مع بعض.

آيس كريم النوتيلا:

المكونات:

– ½ برطمان نوتيلا.

– كريمة تقيلة Heavy cream او Double cream.

طريقة التحضير:

1- بكل بساطة هاتي ½ برطمان النوتيلا ، والنص التاني من البرطمان املية بالكريمة ، رجي البرطمان كويس جدا عشان تخلطي المكونات مع بعض.

2- دخلي البرطمان في الفريزر لمدة 8 ساعات او لحد ما يتجمد.

3- وكده الذ واسهل ايس كريم يكون جاهز عندك.

الطريقة بالفيديو:

آيس كريم النوتيلا ب 3 مكونات:

المكونات:

– علبة لبن مكثف.

– 475 مل Double cream.

– 250 جرام نوتيلا.

طريقة التحضير:

1- اخلطي المكونات كلها مع بعض واضربيهم بالمضرب الكهربائي اليدوي ، لحد ما الخليط يبقى قوامه سميك.

2- صبيه في اي قالب عندك ، وممكن تحطي عليه من فوق نوتيلا سايحة ، ودخليه الفريزر لمدة 8 ساعات تقريبا او لحد ما يتجمد.

الطريقة بالفيديو:

طريقة عمل البروفيترول مع صوص الشوكولاتة