وصفات طبيعية لتبييض الاسنان في دقيقتين
الاسنان مع الوقت ممكن يحصلها اصفرار, بقع, او تغيير في اللون ، بسبب انواع اكلات او مشروبات معينة زي القهوة والشاي, التدخين ، وايا كان السبب ، فكل فترة بنكون محتاجين نعمل تبييض لاسنانا ، وتبييض الاسنان في مراكز الاسنان او عند المتخصصين ممكن يكون مكلف ، عشان كده النهاردة من خلال موضوعنا هنشارك معاكم وصفات طبيعية لتبييض الاسنان بشكل فوري وسريع ، تقدري تعمليها بنفسك في البيت بمكونات طبيعية.
وصفات طبيعية لتبييض الاسنان:
1- الطريقة 1:
المكونات:
– 1 معلقة صغيرة جنزبيل طازة مبشور.
– 1 معلقة صغيرة ملح.
– عصير ½ ليمونة.
– ¼ معلقة صغيرة من معجون الاسنان.
طريقة التحضير والاستخدام:
– في بوله صغيرة ، اخلطي الجنزبيل المبشور, الملح, عصير الليمون, معجون الاسنان ، وقلبيهم مع بعض كويس.
– خدي من الخليط على فرشة الاسنان ، وافركي بيه اسنانك لمدة دقيقتين ، وبعدها اغسلي الاسنان بالماية.
– ممكن تكرري الوصفة حسب الاحتياج.
2- الطريقة 2:
المكونات:
– 1 فص ثوم.
– 1 معلقة صغيرة عصير طماطم او طماطم مبشورة.
– 1 معلقة صغيرة عصير ليمون.
– 1 معلقة صغيرة ملح.
– ½ معلقة صغيرة كربوناتو (صودا الخبز).
– 1 معلقة صغيرة من معجون الاسنان.
طريقة التحضير والاستخدام:
– في بولة صغيرة ، ابشري فص الثوم ، ضيفي عليها عصير الطماطم, عصير الليمون,الملح, الكربوناتو, معجون الاسنان.
– اخلطي المكونات مع بعض كويس ، لحد ما يبقى الخليط ناعم وكريمي.
– خدي من الخليط على فرشة الاسنان ، وافركي بيه اسنانك لمدة دقيقتين.
3- الطريقة 3:
المكونات:
– 1 معلقة صغيرة من معجون الاسنان.
– 1 معلقة صغيرة كربوناتو.
– 1 معلقة صغيرة من جل الصبار.
طريقة التحضير والاستخدام:
– في بولة صغيرة اخلطي المكونات كلها مع بعض كويس.
– خدي من الخليط على فرشة الاسنان ، وافركي اسنانك لمدة 3 دقايق.
4- الطريقة 4:
المكونات:
– 2 معلقة صغيرة عصير جزر.
– 2 معلقة صغيرة عصير ليمون.
– ½ معلقة صغيرة ملح.
– 1 معلقة صغيرة من معجون الاسنان.
طريقة التحضير والاستخدام:
– في بولة صغيرة ابشري الجزر ، وعلى مصفى صغيرة اضغطي على الجزر بالمعلقة واستخرجي العصير بتاعه.
– ضيفي له عصير الليمون, الملح, معجون الاسنان ، وقلبي المكونات كلها مع بعض كويس.
– خدي من الخليط على فرشة الاسنان ، افركي اسنانك لمدة 2 – 3 دقايق.